بوغازایچی اونیوئرسیتهسینده غزه کنفرانسی
تورکیه رادیو تلویزیون قورومونون گلوبال ارتباط اورتاغی اولدوغو، بوغازایچی اونیوئرسیتهسی حقوق فاکولتهسی طرفیندن تشکیل ائدیلهن "غزهدن سونرا بینالخالق حقوقو یئنیدن دوشونمک" کنفرانسیندا "عدالت و بینالخالق حقوق" باشلیقلی ایجلاس تشکیل ائدیلدی
بوغازایچی اونیوئرسیتهسینده تشکیل ائدیلهن کنفرانسدا "عدالت و بینالخالق حقوق" اله آلیندی.
ایستانبولدا، تورکیه رادیو تلویزیون قورومونون (ترت) گلوبال ارتباط اورتاغی اولدوغو، بوغازایچی اونیوئرسیتهسی حقوق فاکولتهسی طرفیندن تشکیل ائدیلهن "غزهدن سونرا بینالخالق حقوقو یئنیدن دوشونمک" کنفرانسیندا "عدالت و بینالخالق حقوق" باشلیقلی ایجلاس تشکیل ائدیلدی.
آمریکا بیرلشمیش دؤولتلریندهکی پرینستون اونیوئرسیتهسینده بینالخالق حقوق متخصصی و اسکی بیرلشمیش میللتلر اینسان حاقلاری راپورتورو سیاست بیلیمچی پروفسور ریچارد فالک، کنفرانسدا، ایسرائیلین غزهدهکی حرکتلرینی سرت بیر دیلله تنقید ائدرک بینالخالق حقوقون غزهدهکی بحرانی تأثیرلی شکیلده اله آلماداکی باشاریسیزلیغینی وورغولادی.
بینالخالق حقوقون رولونو، مؤوجود اسکیکلیکلرینی و داها گوجلو تطبیق مکانیزملرینه دویولان احتیاجی وورغولایان فالک، "سویقیریم داوام ائدیر و بؤلگهده غزه ایله بیر باشا باغلانتیلی داها گئنیش داغیدیجی بیر ساواش تهدیدی گئدهرک آرتان بیر قایغی قایناغی حالینا گلدی" ایفادهلریندن ایستیفاده ائتدی.
فالک، ایسرائیلین بینالخالق قرارلاری آچیقجا گؤز آردی ائتمهسینی و دونیا جمعیتین بو قانونلاری تطبیقدهکی غیر کافیلیگینی تنقید ائدرک، "ایسرائیل، سویقیریمی دایاندیراجاق و غزه، اردن چایینین باتی ساحیلی و دوغو قدسداکی ایشغالی سونا چاتدیراجاق قرارلاری علنی اولاراق گؤز آردی ائتمیشدیر" دئدی.
ایسرائیلین غزه هوجوملارینا بینالخالق تپکیدهکی ایکیلی ایستانداردی قینایان فالک، اسکیکلیکلرینه باخمایاراق بینالخالق حقوقون دایانیشما حرکتلرینین قانونیلشدیریلمهسی و گلهجک نسیللرین عدالت و اینسان حاقلاری مؤوضوعوندا اؤیردیلمهسی باخیمیندان اهمیتینی قورودوغونو سؤیلهدی.
بیرلشمیش میللتر مسکن حاقی اؤزل راپورتورو بالاکریشنان راجاگوپال دا دانیشماسیندا غزه و دیگر چاتیشما بؤلگهلریندهکی سیستماتیک ائو داغیتماسینین تأثیرینی وورغولادی.
راجاگوپال، بینالخالق جمعیتین بو جور حرکتلری بینالخالق حقوق داخیلینده آیری بیر سوچ اولاراق تانیماسی و پروبلئمی اله آلماق اوچون ملموس آددیملار آتماسی لازیم اولدوغونو دیله گتیردی.
راجاگوپال، ائولرین ییخیلماسینی اینسانلیغا قارشی ایشلهنهن بیر سوچ و غزه نومونهسینده اولدوغو کیمی بیر سویقیریم حرکتی اولاراق تانیملادی.
غزهنین یئنیدن اینشاسیندا قارشیلاشیلان چتینلیکلری وورغولایان راجاگوپال، مؤوجود شرطلر آلتیندا مدتین اونلارلا ایل داوام ائدهبیلهجگینی ایفاده ائتدی.
ایلگیلیلی خبرلر
مارلا دیسکاوری کروز گمیسینین مارماریس شهرینه نؤوبتی سفری
مالت بایراقلی "مارلا دیسکاوری" کروز گمیسی موغلانین مارماریس بؤلگهسینه سفر ائدیب.
