حاکان فیدان مصره گئدیر
تورکیه خاریجی ایشلر ناظیری حاکان فیدان مصرین خاریجی ایشلر ناظیری بدیر عبدالعاطینین دعوتی ایله آوقوستون ۴ و ۵-ده بو اؤلکهیه سفر ائدهجک
تورکیه خاریجی ایشلر ناظیری حاکان فیدان، مصرین خاریجی ایشلر ناظیری بدیر عبدالعاطینین دعوتی ایله آوقوستون ۴ و ۵-ده بو اؤلکهیه سفر ائدهجک.
دیپلوماتیک قایناقلاردان الده ائدیلن بیلگیلره گؤره، فیدان و همکاری عبدالعاطی مصر جمهور باشقانی عبدالفتاح سیسینین تورکیهیه سفری زامانی گئچیریلهجک ایلک یوکسک سوییهلی استراتئژی امکداشلیق شوراسینین ایجلاسینین حاضیرلیقلارینی موذاکیره ائدهجک.
یوکسک سوییهلی استراتئژی امکداشلیق شوراسی چرچیوهسینده ایمضالانماسی پلانلاشدیریلان ۲۰-یه یاخین موقاویله ایله باغلی مؤوجود وضعیت دگرلندیریلهجک.
گؤروشلر زامانی ایکیطرفلی سیاسی، اقتیصادی و کولتورل موناسیبتلر و بؤلگهدکی مؤوجود وضعیت بارهده فیکیر موبادیلهسی آپاریلاجاق. انئرژی، ساغلیق، توریزم و مودافیعه صنایعسی ساحهلرینده اوزونموددتلی امکداشلیق ایمکانلاری موذاکیره اولوناجاق.
سفرین اساس گوندم مادهلری اولان غزهدکی اینکیشافلار، فیلیسطین مسئلهسی و غزهیه اینسانی یاردیملا یاناشی، لیبی، سودان و سومالیدهکی وضعیت ده هرطرفلی دگرلندیریلهجک.
فیدانین تورکیهدن غزهیه گؤندریلن اینسانی یاردیملا باغلی العریش و رفح سرحد قاپیسینا و مصر قیزیلآی جمعیتینین لوجستیک مرکزینه گئتمهسی گؤزلنیلیر.
