دانمارک: گیروو موبادیلهسی "تورکیه اوچون بؤیوک دیپلوماتیک غلبه" ایدی
دانمارکین خاریجی ایشلر ناظیری تورکیهنین دیپلوماتیک اوغورونو تبریک ائتدی
دانمارکین خاریجی ایشلر ناظیری لارس لوکئه راسموسئن، تورکیه میللی ایستیخبارات تشکیلاتینین (میت) اداره ائتدیگی گیروو موبادیلهسی "تورکیه اوچون بؤیوک دیپلوماتیک غلبه" اولدوغونو بیلدیردی.
راسموسئن مطبوعاتا وئردیگی آچیقلامادا میتـین اداره ائتدیگی گیروو موبادیلهسینی دگرلندیردی.
«تورکیه اوچون بؤیوک دیپلوماتیک ظفر» اولاراق گؤردوغو بو موبادیلهنی بئلاروس و روسیهدن چیخاریلان ۱۶ نفر اوچون ده یاخشی بیر اینکیشاف اولدوغونو قید ائدن راسموسئن، تورکیهنین دیپلوماتیک اوغورونو تبریک ائتدی.
راسموسئن عینی زاماندا، گیروو موبادیلهسینده روسیهیه گؤندریلنلرین ساییسینین بو اؤلکهدن گلنلردن آز اولماسیندان ممنونلوغونو ایفاده ائتدی.
میللی ایستیخبارات تشکیلاتی، آمئریکا، آلمان، لهستان، اسلووئنی، نوروئژ، روسیه و بئلاروس حبسخانالاریندا ۲۶ نفرین قارشیلیقلی موبادیلهسینی احاطه ائدن سون دؤورون ان احاطهلی موبادیله عملیاتینی حیاتا گئچیرمیشدی.
