اردوغان، بایدن ایله تلفندا دانیشدی
اردوغان-بایدن دانیشماسیندا تورکیه ایله آمریکا ایلیشکیلری، غزه مسئلهسی، تورکیهده گئرچکلشدیریلن گیروو موبادیلهسی، بؤلگه و دونیاداکی گلیشمهلر اله آلیندی
جمهورباشقانی رجب طب اردوغان، آمریکا بیرلشمیش دؤولتلری باشقانی جو بایدن ایله تلفندا دانیشدی.
تلفن دانیشماسیندا تورکیه ایله آمریکا ایلیشکیلری، غزه مسئلهسی، تورکیهده گئرچکلشدیریلن گیروو موبادیلهسی، بؤلگه و دونیاداکی گلیشمهلر اله آلیندی.
اردوغان، آمریکالی قونومداشینا، ایسرائیل باشباخانی بنیامین نتانیاهو رهبرلیگینین غزهده آتیشکس و باریش ایستهمهدیگینی هر آددیمدا گؤستردیگینی، نتانیاهونون گئچهن هفته آمریکا نمایندهلر مجلیسیندهکی گؤرونتولرینین تورکیه و دونیادا درین خیال قیریقلیغی یاراتدیغینی، حماس سیاسی دفتری باشقانی اسماعیل هنیهیه ۳۱ جولایدا ایراندا تشکیل ائدیلهن سوءقصدین آتیشکس سعیلرینه آغیر ضربه ائندیردیگینی و ایسرائیلین غزهدهکی اودو بوتون بؤلگهیه یایماق اوچون چالیشدیغینی سؤیلهدی.
جو بایدن ایسه، دونن باشکند آنکارادا تشکیل ائدیلهن گیروو موبادیلهسینین پروبلئمسیز بیر شکیلده کئرچکلشمهسی اوچون گؤستردیگی چابا سببی ایله جمهورباشقانی اردوغانا تشکر ائتدی.
موبادیله عملیاتیندا آمریکادان ۲، آلمانیا، لهستان، اسلوونی، نروژ و روسیادان بیر اوچاق اولماق اوزره توپلام ۷ اوچاق ایله تورییهیه گتیریلهن شخصلردن؛ ۲سی اوشاق ۱۰ گیرووون روسیایا، ۱۳ گیرووون آلمانیایا، ۳ گیرووون دا آمریکایا انتقالی تامین ائدیلمیشدی.
ایلگیلیلی خبرلر
سوئد تورکیهده کئچیریلهجک تهلوکهسیزلیک توپلانتیسینی تاخیره سالیب
سوئد تورکیه تهلوکهسیزلیک توپلانتیسینی نقلیات ایله باغلی پروبلئمه گؤره تاخیره سالیب.
