تورکیه بؤیوک میللت مجلیسی‌نین باشقانی، آمریکا سئناتورلارینی قینادی
اولوسلار آراسی محکمه‌لرده موحاکیمه اولونان قاتلی آیاق اوسته آلقیشلایان توپلوم، بو قتل‌عامین اورتاغی کیمی بشریتین حافظه‌سینه هک اولونوب
2167028
تورکیه بؤیوک میللت مجلیسی‌نین باشقانی نعمان کورتولموش ایسرائیل‌ین باش ناظیری بنیامین نتانیاهونون آمریکا کونگره‌سینین سئناتورلاری طرفیندن آیاقدا آلقیشلانماسینا تپکی وئردی.
نعمان کورتولموش سوسیال مئدیا حئسابیندان پایلاشدیغی مئساژدا بونلاری قید ائدیب:
اینسان حاقلاری، دموکراسی و عدالت آدینا اینسانلیغین الده ائتدیگی بوتون ارزشلری تاپدالایاراق، اولوسلار آراسی محکمه‌لرده موحاکیمه اولونان قاتلی آیاق اوسته آلقیشلایان توپلوم، بو قتل‌عامین اورتاغی کیمی بشریتین حافظه‌سینه هک اولونوب. اؤزلریندن اوتانمالی‌دیرلار..."
