آلتون: اینسانلیق سرئبرئنیتسادان درس آلسایدی، بوگون غزه‌ده سوی‌قیریم اولمازدی
تورکیه ایلتیشیم (ارتباطات) باشقانی فخرالدین آلتون سرئبرئنیتسا سوی‌قیریمینی آنما گونو ایله باغلی مئساژ پایلاشدی
تورکیه ایلتیشیم (ارتباطات) باشقانی فخرالدین آلتون، "بشریت سرئبرئنیتسادان درس آلماغی باجارسایدی، بو گون غزه‌ده سوی‌قیریم باش وئرمزدی" دئدی.
فخرالدین آلتون سرئبرئنیتسا سوی‌قیریمینی آنما گونو ایله باغلی مئساژ پایلاشدی.
آلتونون مئساژینی بوسنیا و هئرسئقین ایلک جمهور باشقانی، سیاستچی و موتفکیر عالییا عزت بگوویچ‌ین ”اونودولموش سوی‌قیریم تکرارلانیر» سؤزلرینی خاطیرتلاماقلا باشلادی.
۱۱ جولای‌ین موعاصیر تاریخین هله‌ده باغلانمایان ان آغریلی صحیفه‌لریندن بیری اولدوغونو بیلدیرن آلتون، "سرئبرئنیتسا سوی‌قیریمینین آغریسی آرادان ۲۹ ایل کئچمه‌سینه باخمایاراق قلبیمیزده‌کی یئرینی قورویوب ساخلاییر" دئدی.
آلتون، "فاجیعه‌لر بوتون بشریت اوچون عیبرت دولو اولمالیدیر. غزه‌ده سوی‌قیریمین بوتون شیدتی ایله داوام ائتدیگی بو گونلرده، دونیانی یاشانا بیلن بیر مکانا چئویرمک اوچون موباریزه آپاران هر کس اوچون سرئبرئنیتسادان آلیناجاق بؤیوک درسلر وار. اینسان اولماغین لیاقتی، اینسانلیق سرئبرئنیتسادان درس آلا بیلسیدی، بو گون غزه‌ده سوی‌قیریم اولمازدی" دئدی.
آلتون سرئبرئنیتسادا باش وئرن بو فاجیعه‌لی حادیثه‌نین غزه سوی‌قیریمینا قارشی ساغیر ویجدانلارین اویانماسینا سبب اولاجاغینا اومید ائتدیگینی بیلدیردی.
ایلگیلی‌لی خبرلر
اردوغان پوتین ایله تیلفون‌دا دانیشیب
تیلفون دانیشیغیندا تورکیه-روسیه ایکی‌طرف‌لی علاقه‌لری، بؤلگه و دونیا قونولاری موذاکیره ائدیلیب
