جمهورباشقانی اردوغان واشینگتوندا

اردوغان، حیات یولداشی امینه اردوغان ایله آندرو دابلیو ملون آودیتوریومدا تشکیل ائدیله‌ن ناتونون ۷۵.جی ایلی خاطیرلاما فعالیتینه قاتیلدی

2161275
جمهورباشقانی اردوغان واشینگتوندا
viktor orban-erdogan nato zirvesi.jpg
erdogan nato zirvesi.jpg

 

جمهورباشقانی رجب طیب اردوغان، ناتو دؤولت و حکومت باشقانلاری ذیروه‌سینه قاتیلماق اوزره گئتدیگی آمریکا بیرلشمیش دؤولتلرینین پایتاختی واشینگتونداکی تماسلارینا باشلادی.

اردوغان، حیات یولداشی امینه اردوغان ایله آندرو دابلیو ملون آودیتوریومدا تشکیل ائدیله‌ن ناتونون ۷۵.جی ایلی خاطیرلاما فعالیتینه قاتیلدی.

ذیروه‌یه قاتیلان دؤولت و حکومت باشقانلاری، فعالیتین باشلانغیجیندا توپلو فوتوشکیل چکدیردی.

پروگرامدا، ایکینجی دونیا ساواشی، ناتونون قورولوشو، بوسنی ساواشی، قیریمین الحاقی و روسیا-اوکراینا ساواشی کیمی فرقلی حادثه‌لره باغلی گؤرونتولرین ایشتیراک ائتدیگی ویدئو گؤستریلدی.

فعالیتده، آمریکا باشقانی جو بایدن و ناتو باش کاتیبی ینس استولتنبرگ آچیلیشدا دانیشدی.

ناتونون ۷۵.جی ایلی خاطیرلاما فعالیتینین آردیندان اردوغان، یئرلشدیگی هتلده ماجاریستان باش ناظیری ویکتور اوربان ایله بیر آرایا گلدی.

گؤروشمه‌ده، تورکیه و ماجاریستان ایکیلی علاقه‌لری، تورکیه‌نین آوروپا بیرلیگینه ایشتیراکی ایله منطقه و گلوبال مؤوضوعلار اله آلین‌دی.

جمهورباشقانی اردوغان، تورکیه‌نین، اوکراینا-روسیا ساواشی و ایسرائیلین غزه‌یه ایستیقامتلی هوجوملارینین سونا چاتماسی اوچون باریشچیل سعیلرینی داوام ائتدیردیگینی، بین الخالق اجتیماعیتین بو بؤلگه‌لرده باریشین تاسیسی اوچون سعیلرینی آرتیرماسی لازیم اولدوغونو ایفاده ائتدی.

اردوغان، ماجاریستانین دؤور باشقانیلیغیندا تورکیه‌نین، آوروپا بیرلیکینه ایشتیراک مدتینین جانلاندیریلماسی و علاقه‌لرین ایرلیله‌دیلمه‌سی نقطه‌سینده دستک گؤزله‌دیگینی ده ایفاده ائتدی.



ایلگیلی‌لی خبرلر