اردوغان ایسپانیایا گئدیر

اردوغان گؤروشمه‌لرینین ایلک گونو باشکند مادریدده ایسپانیا کرالی ۶.جی فلیپه ایله گؤروشه‌جک. اردوغان یارین ایسه ایسپانیا باشباخانی پدرو سانچز ایله بیر آرایا گله‌جک

2151782
اردوغان ایسپانیایا گئدیر

جمهورباشقانی رجب طیب اردوغان، بو گون ایکی گونلوک رسمی گؤروشمه‌لر اوچون ایسپانیایا گئده‌جک.

اردوغان گؤروشمه‌لرینین ایلک گونو باشکند مادریدده ایسپانیا کرالی ۶.جی فلیپه ایله گؤروشه‌جک. اردوغان یارین ایسه ایسپانیا باشباخانی پدرو سانچز ایله بیر آرایا گله‌جک.

جمهورباشقانینین گؤرشمه‌لرینین ان اؤنملی باشلیقلاردان بیری غزه اولاجاق. ایسپانیا، ۲۸ می‌ده فیلیسطینی رسمی اولاراق تانیدیغینی اعلان ائتمیش اردوغان دا بو قراری تقدیرله قارشیلادیغینی وورغولامیشدی.

جمهورباشقانینین، ایسپانیالی مخاطبلری ایله آیرینتیلی دگرلندیرمه‌لر ائتمه‌سی گؤزله‌نیلیر. ایسرائیلین غزه‌ده‌کی سالدیریلارینین دوردورولماسی و بؤلگه‌ده قالیجی باریش اؤنجه‌لیکلی باشلیقلار آراسیندادیر.

سفر سیراسیندا، کۆره‌سل گلیشمه‌لر و تورکیه-ایسپانیا ایلیشکیلری ده ماسادا اولاجاق. اردوغان، باشباخان سانچزله بیرلیکده تورکیه و ایسپانیا آراسینداکی ۸.جی حکومتلرآراسی ذروه‌یه باشقانلیق ائد‌جک.

ذیروه‌ده تیجارت، مالیه، مدنیت و ایدمان ساحه‌لرینده بیر چوخ آنلاشمانین ایمضالانماسی دا پلانلانیر.

جمهورباشقانی اردوغانین، تورک و ایسپانیالی ایش اینسانلارینین اولاجاغی ایش فورومونون آچیلیشینا دا قاتیلماسی گؤزله‌نیلیر.



ایلگیلی‌لی خبرلر