اردوغان و میرضیایئو اورتاق مطبوعات توپلانتیسی تشکیل ائتدی

اردوغان: اؤزبکیستانی قیسا مدتده بارماقلا گؤستریله‌ن بیر گوج حالینا گتیره‌ن شؤوکت قارداشیمی، گؤنولدن تبریک ائدیره‌م

2149811
اردوغان و میرضیایئو اورتاق مطبوعات توپلانتیسی تشکیل ائتدی

جمهورباشقانی رجب طیب اردوغان، اورتا آسیانین اوره‌گینده یئر آلان اؤزبکیستانین بؤلگه‌سل و کۆره‌سل دگرینین هر گئچه‌ن گون آرتدیغینی سؤیله‌دی.

جمهورباشقانی اردوغان، رسمی گؤروشمه‌لر اوچون باشکند آنکارادا اولان اؤزبک قونومداشی شؤوکت میرضیایئو ایله اورتاق مطبوعات توپلانتیسی تشکیل ائتدی.

گؤروشمه‌لرده تیجارت، اکینچیلیک، نقلیات، انرژی، مدنیت، تحصیل و ساوونما صنایعی کیمی باشلیقلاردا آتیلابیله‌جک ملموس آددیملاری اله آلدیقلارینی بیلدیرن اردوغان، بیر چوخ آنلاشمانی دا ایمضالادیقلارینی ایفاده ائتدی.

بو آنلاشمالارین ایکی اؤلکه آراسینداکی امکداشلیغی چئشیدلندیرمه‌یه ایمکان وئریب، عهدی (آنلاشما) زمینی گۆجلندیرجگینه ایشاره ائد‌ن اردوغان، ۳۷ میلیونا یاخینلاشان گنج و دینامیک اهالیسی ایله اورتا آسیانین اوره‌گینده یئر آلان اؤزبکیستانین بؤلگه‌سل و کۆره‌سل دگرینین هر گئچه‌ن گون آرتدیغینا دقت چکدی.

قوناق جمهورباشقانی میرضیایئوین یئنی اؤزبکیستان اوچونجو انتیباه پروژه‌سی ایله اؤلکه‌سینه فرقلی بیر اوفوق چکدیگینی بیلدیرن اردوغان، بئله داوام ائتدی:

"انرژیدن اکینچیلیگه قدر گئنیش بیر ساحه‌ده تطبیق ائتدیگی اقتصادی اصلاحاتلارلا اؤزبکیستانی غبطه ائدیله‌جک نقطه‌لره داشیدی. اؤزبکیستانی قیسا مدتده بارماقلا گؤستریله‌ن بیر گوج حالینا گتیره‌ن شؤوکت قارداشیمی، گؤنولدن تبریک ائدیره‌م".

جمهورباشقانی اردوغانین لیدئرلیگینده، تۆرکیه‌ده خالقین رفاهینین، اؤلکه‌نین سیاسی اقتصادی و عسگری قدرتی ایله پتانسیلینین و اولوسلارآراسی توپلومداکی نفوذونون آرتیریلماسی قونوسوندا بؤیوک ایشلر گؤرولدوگونو بیلدیرن میرضیایئو ایسه تۆرکیه‌نین دونیا سویه‌سینده‌کی باشاریلاریندان موتلولوق و غرور دویدوقلارینی دیله گتیردی.

اؤزونو اؤلکه‌سینه دعوت ائتدیگی اردوغانلا اؤنملی بؤلگه‌سل مؤوضوعلاردا فیکیر آلیش وئرینشی ائتدیگینی ایفاده ائد‌ن میرضیایئو، اولوسلارآراسی ساحه‌ده بیر بیرلرینی دستکله‌دیکلرینی، بیرلشمیش میللتلر، ایسلام امکداشلیق تشکیلاتی، تۆرک دؤولتلری تشکیلاتی کیمی پلتفورملاردا دا امکداشلیغی سیخ شکیل‌ده داوام ائتدیره‌جکلرینی سؤیله‌دی.



ایلگیلی‌لی خبرلر