ایاصوفیه میدانیندا فیلیسطینه دستک نوماییشی

ایسرائیلین رفح و غزه‌ده حیاتا کئچیردیگی هوجوملارا عکس‌العمل وئرمک اوچون ایستانبولون ایاصوفیه میدانیندا «دور دئنه» تظاهراتی کئچیریلیب.

ایاصوفیه مسجیدینده آخشام نمازینی قیلان گنجلر داها سونرا میداندا بیر آرایا گلیب.

گروپ ال‌لرینده «موسلمانلار ظولمه بویون اَیمه‌یه‌جک»، «سس‌سیز قالما، سویقیریما طرف اولما»، «ائی دونیا، داها نه قدر اوشاق اؤلمه‌لیدیر»، «فیلیسطین موطلق آزاد اولاجاق»، «هر یئر فیلیسطین، هر یئر غزه‌»، «ایسرائیل حربی جینایتکاردیر» یازیلی پانکارتلار داشیییبلار.

اینگیلیزجه و عربجه شعارلار ایله ایسرائیل علیه‌ینه شعارلار آتان گنجلره بؤلگه‌دکی وطنداشلار و بعضی توریستلر دستک اولوب.

تدبیر چرچیوه‌سینده میداندا قورولان چادیردا ایسرائیل اوردوسونون رفحده‌کی هوجوملاریندا حیاتینی ایتیرن فیلیسطین‌لیلری تمثیل ائدن گؤرونتولر یئرلشدیریلیب، بؤلگه‌ده‌کی چتین حیات شرایطی یاندیریلان تونقال اطرافیندا اوتوراراق تصویر ائدیلیب.

چیخیشلاردا ایسرائیلین تؤرتدیگی حربی جینایتلرین تکجه فیلیسطینه و یا ایسلام دونیاسینا عاید اولمادیغی، بوتون دونیادا ویجدانلی اینسانلارین پروبلئمی اولدوغو وورغولانیب.