اردوغان، ائدی راما ایله مطبوعات توپلانتیسی تشکیل ائتدی

"تورکیه و آلبانی، بالکانلارین باریش و ثابیتلیگینین قورونماسینا قاتقی تامین ائد‌ن ایکی ناتو متفیقیدیر. آلبانی ایله بالکانلارا باغلی دیالوگوموزو سیخلاشدیراراق داوام ائتدیرجییک"

2105186
اردوغان، ائدی راما ایله مطبوعات توپلانتیسی تشکیل ائتدی

جمهورباشقانی رجب طیب اردوغان، "تورکیه و آلبانی/آرناووتلوق، بالکانلارین باریش و ثابیتلیگینین قورونماسینا قاتقی وئرن ایکی ناتو متفیقیدیر. آلبانی ایله بالکانلارا باغلی دیالوگوموزو سیخلاش‌یراراق داوام ائتدیرجییک" دئدی.

جمهورباشقانی اردوغان، رسمی گؤروشمه‌لر اوچون دونن باشکند آنکارایا گلن آلبانی باشباخانی ائدی راما، جمهورباشقانلیغینداکی "تورکیه-آلبانی یوکسک سویه‌لی امکداشلیق شوراسی بیرینجی ییغینجاغی" و ایکی اؤلکه آراسینداکی آنلاشمالارین ایمضا مراسیمینین آردیندان، اورتاق مطبوعات کنفرانسی تشکیل ائتدی.

بوراداکی دانیشماسیندا اردوغان، باشباخان راما ایله بؤلگه‌ده و دونیادا یاشانان گلیشمه‌لر حاقیندا فیکیر آلیش وئریشی ائتدیکلرینی بیلدیر‌رک،

"تورکیه و آلبانی، بالکانلارین باریش و ثابیتلیگینین قورونماسینا قاتقی تامین ائد‌ن ایکی ناتو متفیقیدیر. آلبانی ایله بالکانلارا باغلی دیالوگوموزو سیخلاشدیراراق داوام ائتدیرجییک" ایفاده‌لرینی ایشلتدی.

اردوغان، آلبانی ایله ساوونما صنایعی و عسگری ساحه‌ده‌کی یاخین امکداشلیغی درینلشدیرمه آرزوسوندا اولدوقلارینی دیله گتیره‌رک، ایمضالانان عسگری چرچیوه آنلاشماسینین بو ایراده‌نین ان ملموس تظاهرو اولدوغونو سؤیله‌دی.

آلبانینی، باشاری ایله تاماملادیغی ۲۰۲۲-۲۰۲۳ دؤنم بیرلشمیش میللتلر گۆونلیک شوراسی گئچیجی عضولوگوندن اؤترو تبریک ائد‌ن اردوغان، "آلبانی، دؤنم باشقانلیغینی تورییه‌دن آلدیغی قاراد‌نیز اقتصادی امکداشلیق تشکیلاتینین فعالیتلرینه اؤنملی قاتقیلار وئره‌‌جک" دئدی.

قوناق باشباخان راما ایسه غزه یولاغیندا‌کی ایسرائیل سالدیریلارینا توخوناراق،

"(غزه‌ده) آتیش‌کسین زامانی گلدی. گیروولار سربست بوراخیلمالیدیر. تورکیه، وازگئچیلمز بیر آکتوردور. یارینین گۆونلیگینی تامین ائتمک اوچون بیر آکتوردور، اؤزللیکله غزه و ایسرائیل قونوسوندا" ایفاده‌سینی ایشلتدی.



ایلگیلی‌لی خبرلر