فیدان، آوروپابیرلیگی و ناتونو تنقید ائتدی
"آوروپابیرلیگینین تۆرکیه‌نی اورتاق دئییل رقیب اولاراق گؤرمه‌سی و بعضی ناتو متفیقلریمیزین گۆونلیک حساسیتلریمیزی دقته آلماماسی، اؤلکه‌میزی داها چوخ قابیلیت و آلترناتیو استراتژیلر گلیشدیرمه‌یه یؤنلتمکده‌دیر"
خاریجی ایشلر باخانی حاکان فیدان، آوروپا بیرلیگینین تۆرکیه‌نی اورتاق دئییل رقیب اولاراق گؤرمه‌سینین و بعضی ناتو متفیقلرینین تۆرکیه‌نین گوونلیک حساسیتلرینی دقته آلماما‌سینین، تۆرکیه‌نی آلترناتیو استراتژیلر گلیشدیرمه‌یه یؤنلتدیگینی سؤیله‌دی.
فیدان، تۆرکیه بؤیوک میللت مجلیسی باش قورولوندا، نازیرلیینین ۲۰۲۴ ایلی بودجه‌سی اۆزرینده دانیشدی.
باخان فیدان، تۆرکیه‌نین خاریجی سیاستده اولوسلارآراسی گۆندمی تعیین ائد‌ن، حساس جغرافیالاردا تأثیر یارادان بیر آکتورا چئوریلدیگینی ایضاح ائتدی.
تۆرکیه‌نین اخلاقی دگرلره باغلی، بیلینجلی و تأثیرلی خاریجی سیاست ایزله‌مه‌سینین هر زامانکیندان داها قیمتلی حالا گلدیگینی بیلدیرن حاکان فیدان،
"غزه‌ده‌کی ظلم قارشیسیندا سسیمیزی یۆکسلتمه‌میزین سببی ده بودور. هر نه باهاسینا اولورسا اولسون، دوغرویا 'دوغرو'، یانلیشا 'یانلیش' دئمکدن اصلا چکینمه‌یه‌جییک. فیلیسطینلی قارداشلاریمیزین هر زامان یانلاریندا اولدوق، اؤنوموزده‌کی مدتده ده یانلاریندا اولماغا داوام ائدجییک" دئدی.
سوریه‌نین تورپاق بۆتونلوگو و سیاسی بیرلیگینه باغلیلیق وورغوسو ائد‌ن فیدان، پ‌کاکا/ی‌پ‌گ باشدا اولماق اۆزره ترور هؤرگوتلری ایله موباریزه‌نین سۆرجگینی ایفاده ائتدی.
باخان فیدان، لیبیده اؤلکه‌نین بیرلیک و بۆتونلوگونو قوروماق، اؤلکه‌نین تکرار چاتیشمالارا سۆروندورولمه‌سینی اؤنله‌مه‌نین تمل اؤنجه‌لیکلری اولدوغونو ایفاده ائتدی.
ناتونون سیاستلرینه توخونان فیدان، "بعضی ناتو اؤلکه‌لرینین سون ایللرده تطبیق ائتدیگی سیاستلره باخدیغیمیزدا سوریه‌ده پ‌کاکا/ی‌پ‌گ‌یه وئریله‌ن دستک و تۆرکیه‌یه ساوونما صنایعنده تطبیق اولونان تحریملر بیر ضدیت اولوشدورماقدادیر" دئدی.
آوروپابیرلیگی ایله ایلیشکیلره توخونان خاریجی ایشلر باخانی،
"آوروپابیرلیگینین تۆرکیه‌نی اورتاق دئییل رقیب اولاراق گؤرمه‌سی و بعضی ناتو متفیقلریمیزین گۆونلیک حساسیتلریمیزی دقته آلماماسی، اؤلکه‌میزی داها چوخ قابیلیت و آلترناتیو استراتژیلر گلیشدیرمه‌یه یؤنلتمکده‌دیر. بو، بیزیم اوچون بیر سئچیم دئییل، دؤولتیمیزین و میللتیمیزین بقاسی اوچون ضرورت حالینا گلمیشدیر" شکلینده دانیشدی.
