نومان کورتولموش اندونزیا-دا سفردهدیر
نومان کورتولموش میکتا-نین 9-جو مجلیس صدرلری توپلانتیسیندا ایشتیراک ائتمک اوچون اندونزیانین پایتاختی جاکارتایا گئدیب.
تورکیه بؤیوک میللت مجلیسینین صدری نومان کورتولموش مکزیکا، اندونزیا، گونئی کره، تورکیه و آوسترالیانین تشکیل ائتدیگی میکتا-نین 9-جو مجلیس صدرلری توپلانتیسیندا ایشتیراک ائتمک اوچون اندونزیانین پایتاختی جاکارتایا گئدیب.
اندونزیا نومایندهلر مجلیسینین ائو صاحیبلیگی ایله پایتاخت جاکارتادا کئچیریلهجک میکتا 9-جو پارلامئنت صدرلری ییغینجاغیندا "چوخ طرفلیلیگین گوجلندیریلمهسی، نسیللراراسی پروبلئملرین حلی" مؤوضوعسو ایله "قلوبال ایداره ائتمه دقتده: پارلامئنت نئجه حرکت ائتمهلیدیر؟ "، "عهده لیک لر و مسئولیتلردن کنار" "ایقلیم تدبیرلری" و "گنجلیگین گوجوندن ایستیفاده: داها یاخشی گلهجک" آدلی اوتوروملار کئچیریلهجک.
توپلانتی چرچیوهسینده اندونزیا پرئزیدئنتی جوکو ویدودونون پارلامئنت صدرلرینین شرفینه وئرجگی دعوته تورکیه بؤیوک میللت مجلیسینین صدری کورتولموش دا قاتیلاجاق.
سفر چرچیوهسینده کورتولموش یونوس امره اینستیتوتوندا ایکی طرفلی گؤروشلر کئچیرهجک و تورکیه-دن گئتمیش فوق لیسانس اویرنجی لری ایله گؤروشهجک.
قئید ائدک کی، 2013-جو ایلده اساسی قویولموش و مکزیکا، اندونزیا، گوئنی کره، تورکیه و آوسترالیانین باش حرفلری ایله آدلاندیریلان غیری-رسمی قاره لر آراسی مصلحت و کووردیناسیون پلاتفورماسی اولان میکتا عضو اؤلکهلرین گ20 و دیگر آپاریجی اولوسلار آراسی تشکیلاتلارلا داها سیخ امکداشلیق و کووردیناسیاسینی تامین ائتمک مقصدی داشیییر و همین اؤلکهلر آراسیندا ایکی طرفلی علاقهلری یاخشیلاشدیرماغی هدفلییر.
اؤز بولگه لرینده فعال آکتور اولان بئش اؤلکه بولگه-قلوبال باریش و ثابتلیگه تحفه وئرمکله یاناشی، اولوسلار آراسی پروبلئملره ده اوخشار یاناشمالاردان ایستیفاده ائدیرلر.
