حاکان فیداندان غزه دیپلوماسیسی

خاریجی ایشلر باخانی حاکان فیدان، هلندلی و چکیالی قونومداشلارینا، ایسرائیل ایله حماس آراسیندا تام آتیش‌کسین تئزلیکله تامین ائدیلمه‌سی و اینسانی یاردیمین غزه‌یه چاتدیریلماسی لازیم اولدوغونو ایفاده ائتدی.
خاریجی ایشلر باخانی حاکان فیدان، ایکی قونومداشییلا تلفوندا دانیشدی.
دیپلوماتیک قایناقلاردان الده ائدیله‌ن معلوماتا گؤره، فیدان و هلند خاریجی ایشلر باخانی هانکه برونس اسلات، تلفون دانیشماسیندا غزه‌ده‌کی گلیشمه‌لری اله آلدی.
باخان فیدان، هلندلی قونومداشینا بیر آن اول تام آتیش‌کس اعلان ائدیلمه‌سی و اینسانی کؤمکلرین غزه‌یه عاجیل اولاراق چاتدیریلماسی لازیم اولدوغونو وورغولادی.
تلفون دانیشماسیندا فیدان، غزه‌ده گئده‌رک آرتان گرگینلیگین بؤلگه‌سل بیر بحرانا چئوریلمه‌مه‌سی اوچون اورتاق چابا گؤستریلمه‌سی لازیم اولدوغونو دا ایفاده ائتدی.
اوکرایناداکی سون وضعیتین ده دگرلندیریلدیگی تلفون دانیشماسیندا فیداننین، قاراد‌نیز تاخیل گیریشیمینین یئنی‌دن جانلاندیریلماسینین اؤنمینه ده توخوندوغو قید ائدیلدی.
حاکان فیدان، چکیا خاریجی ایشلر باخانی ژان لیپاوسکی ایله ده تلفوندا دانیشدی.
باخان فیدان و چکیالی قونومداشی لیپاوسکی، تلفون دانیشماسیندا غزه‌ده‌کی گلیشمه‌لری اله آلدی.
تلفون دانیشماسیندا فیدان، ایسرائیلین غزه‌لی وطنداشلارا قارشی ایشله‌دیگی سوچلارین "قبول ائدیلمز" اولدوغونو وورغولادی.
آیریجا فیدان، تام آتیش‌کسین تئزلیکله تامین ائدیلمه‌سی و اینسانی یاردیمین غزه‌یه چاتدیریلماسی لازیم اولدوغونو تکرارلادی.