اردوغان آمریکادا
"روسیا-اوکراینا ساواشیندا‌کی توتوموموزو بوتون دونیا تقدیر ائتدی. اسیر موبادیله‌سیندن قارادنیز تاخیل گیریشیمینه بیر چوخ دیپلوماتیک باشارییا ایمضا آتدیق"
جمهورباشقانی رجب طیب اردوغان، بیرلشمیش میللتلر باش قورولو اؤنجه‌سی آمریکا بیرلشمیش دؤولتلرینده سیخ دیپلوماسی ترافیکینه باشلادی.
اردوغانین، نیویورک شهرینده اولان تورک ائوینده‌کی قبوللاری گورجوستان باشباخانی ایراکلی گاریباشویلی ایله باشلادی.
گؤروشمه‌ده اردوغان، باکی-تیفلیس-قارس دمیر یولونون سرعتله عملیاتی حالا گتیریلمه‌سینین گؤزله‌نیلدیگینی ایفاده ائتدی.
ایکی اؤلکه تیجارت حجمینین ۳ میلیارد دلار سویه‌سیندن ۵ میلیارد دلارا یئنیله‌نه‌بیله‌جگینی سؤیله‌یه‌ن جمهورباشقانی اردوغان، گورجوستان‌داکی فتح‌الله‌چی ترور هؤرگوتونه (فئتو) عاید اوخوللارین باغلانیلاراق مال وارلیقلارینین دوندورولماسینین اؤنملی اولدوغونو ایفاده ائتدی، گورجوستان رهبرلیگینین بو مؤوضوعدا آتدیغی آددیملاردان ممنونیتینی دیله گتیردی.
جمهورباشقانی اردوغان، تورک ائوین‌ده آمریکادا یاشایان آخیسکا تورکلری ایله ده بیر آرایا گلدی.
۲۴ فوریه ۲۰۲۲دن بو یانا سوره‌ن روسیا-اوکراینا ساواشی مدتینده ۴ مین آخیسکا تورکونو تورکیه‌یه گتیردیکلرینی وورغولایان اردوغان،
"(آخیسکا تورکلرینین) ایللردیر حسرتله گؤزلدیکلری تورک وطنداشلیغینی قازانمالاری اوچون لازیم اولان آددیملاری آتیر، بو سوره‌جی سرعتله‌ندیریریک" دئدی.
اردوغانین بیر باشقا قوناغی ایسه اوزای داشیماچیلیغی شیرکتی اسپیس اکس‌ین اوست یؤنه‌تیچیسی ایلان ماسک اولدو.
اردوغان، ماسکا تورکیه‌نین تکنولوژی آتیلیملاریندان بحث ائتدی.
یئرلی اتومبیل توگون تورکیه‌ده یوللارا چیخماسییلا بیرلیکده تسلانین دا تورکیه بازارینا گیردیگینی خاطیرلادان جمهورباشقانی، تسلانین یئددینجی فابریکاسینی تورکیه‌ده قورماسی اوچون ماسکا چاغری ائتدی.
اردوغان آیریجا، ماسکی ۲۷ سپتامبر-۱ اکتبر تاریخلرینده ایزمیرده تشکیل ائدیله‌جک دونیانین ان بؤیوک اوزای تکنولوژیلری و هاواچیلیق سرگیسی تکنوفسته دعوت ائتدی.
ماسک، تورک ائویندن آیریلارکه‌ن الینده جمهورباشقانی اردوغانین "داها عدالتلی بیر دونیا مومکون" کیتابی و ایله‌تیشیم باشقانلیغینین حاضیرلادیغی تورکیه‌نین بیرلشمیش میللتلر اصلاحات تکلیفینی احتیوا ائد‌ن کیتابی واردی.
جمهورباشقانی اردوغان، داها سونرا تورک-آمریکا اولوسال یؤنلندیرمه کومیته‌سی طرفیندن تشکیل ائدیله‌ن پروگرامدا دانیشدی.
جمهورباشقانینین گوند‌مینده تورکیه-آمریکا ایلیشکیلری، روسیا-اوکراینا ساواشی وار ایدی.
تورکیه- آمریکا ایلیشکیلرینین گوندن گونه گلیشدیگینی ایفاده ائد‌ن اردوغان، روسیا-اوکراینا ساواشینا باغلی،
"روسیا-اوکراینا ساواشیندا‌کی توتوموموزو بوتون دونیا تقدیر ائتدی. اسیر موبادیله‌سیندن قارادنیز تاخیل گیریشیمینه بیر چوخ دیپلوماتیک باشارییا ایمضا آتدیق" دئدی.
بعضی آوروپا اؤلکه‌لرینده‌کی قرآن کریمه قارشی سالدیریلارا دا بیر دفعه داها سرت تپکی وئره‌ن جمهورباشقانی اردوغان،
"۲ میلیارد مسلمانین قوتساللارینا هوجوم ائتمه‌نین، فیکیر اؤزگورلوگو اؤرتوسو ایله قانونیلشدیریلمه‌سینی اصلا قبول ائتمیریک" دئدی.
