اردوغان ماجاریستان پرزیدنتی کاتالین نوواک ایله گؤروشوب

گؤروش ماجاریستانین پایتاختی بوداپست-ده کئچیریلیب.

2027219
اردوغان ماجاریستان پرزیدنتی کاتالین نوواک ایله گؤروشوب

جمهور باشقانی رجب طیب اردوغان ماجاریستان پرزیدنتی کاتالین نوواک ایله گؤروشوب.

گؤروش ماجاریستانین پایتاختی بوداپست-ده کئچیریلیب.

گؤروشده ایکی اؤلکه آراسین‌داکی علاقه‌لر، بولگه‌سل و قلوبال مسئله‌لر موذاکیره ائدیلیب.

جمهور باشقانی اردوغانا خاریجی ایشلر ناظیری هاکان فیدان، جمهور باشقانلیغی ایله تیشیم ایداره سی‌نین فخرالدین آلتون، پرزیدنتین خاریجی سیاست و تهلوکه‌سیزلیک مسئله‌لری اوزره باش مشاویری آکیف چاغاتای کیلیچ و تورکیه-نین بوداپست-ده‌کی سفیری گلشن کارانیس دا ائشلیک ائدیب.

دؤولت باشچی‌سی ماجاریستانا سفری زامانی بو اؤلکه‌نین باش ناظیری ویکتور اوربان ایله ده گؤروشوب.

گؤروشده تورکیه ایله ماجاریستان موناسیبت‌لری موذاکیره ائدیلیب.

دانیشیق‌لاردا تورکیه و ماجاریستان موناسیبت‌لری ایله یاناشی، تورکیه-نین آوروپا بیرلیگینه تام حقوقلو عضو‌لوگو مسئله‌لرینه، بولگه‌سل و اولوسلار آراسی پروبلئم‌لره باخیلیب.

جمهور باشقانی اردوغان ماجاریستاندا سفرده اولان صربیستان پرزیدنتی آلکساندر ووچیچ و رهبرلیک ائتدیگی نوماینده هئیتی ایله ده گؤروشوب.

گؤروشده تورکیه – صربیستان موناسیبت‌لری و بولگه‌سل مسئله‌لر موذاکیره ائدیلیب.

جمهور باشقانی اردوغان قئید ائدیب کی، تورکیه-صربیستان علاقه‌لری تاریخین ان یوکسک نقطه‌سینه چاتیب.

جمهور باشقانی اردوغان ماجاریستانا سفری چرچیوه‌سینده اؤزبکیستان پرزیدنتی شؤوکت میرضیایئو  و رهبرلیک ائتدیگی نوماینده هئیتی ایله گؤروشوب.

گؤروشده بولگه‌سل و قلوبال حادثه‌لرله یاناشی، تورکیه ایله اؤزبکیستان آراسینداکی علاقه‌لر ده موذاکیره ائدیلیب.

بو گؤروش‌لردن سونرا 2023-جو ایل بوداپست دونیا آتلتیکا شامپیوناتی‌نین کیشی‌لر آراسیندا 100 متر مسافه‌یه یاریشی‌نین فینالینی ایزله‌ین جمهور باشقانی اردوغان ایستادیوندا آذربایجان پرزیدنتی ایلهام علی یئو و قطر امیری شیخ تمیم بن حامد آل ثانی ایله صحبت ائدیب.

خاطیرلاداق کی، رجب طیب اردوغان ماجاریستانین میللی بایرامی - سنت استفانوس گونو قئید ائتمه‌لرینده ایشتیراک ائتمک اوچون اوربانین دعوتی ایله بوداپسته بیر گونلوک سفر ائدیب.

دؤولت باشچی‌سی ماجاریستان‌داکی گؤروش‌لرینی باشا وورا‌راق گئجه راده‌لرینده اؤلکه‌یه قاییدیب.



ایلگیلی‌لی خبرلر