اردوغان گوندمی دگرلندیردی

جمهورباشقانی رجب طیب اردوغان، روسیا دؤولت باشقانی ولادیمیر پوتینین بو آی ایچین‌ده تورکیه‌یه گله‌بیله‌جگینی، آنجاق تاریخین هله دقیقلشمه‌دیگینی سؤیله‌دی.
جمهورباشقانی اردوغان، ایستانبول‌دا مطبوعات منسوبلارینین سواللارینی جاوابلادی.
پوتینین تورکیه سفرینه باغلی اردوغان،
"هله تاریخ دقیقلشمه‌دی. آنجاق خاریجی ایشلر باخانیم، استخبارات باشقانیم هامیسی گؤروشمه‌لری ائدیرلر. بو گؤروشمه‌لر چرچیوه‌سین‌ده ائله تخمین ائدیرم کی آگوست آیی ایچریسین‌ده انشاالله بو سفر گئرچکلشه‌جک" دئدی.
ایکی لیدئرین گوند‌مینده‌کی ان اؤنملی باشلیقلاردان بیری تاخیل کوریدورو اولاجاق. پوتینین آفریقایا تاخیل وعدینی ده دگرلندیره‌ن اردوغان،
"بو قونودا روسیا ایله عینی چیزگیده‌ییک" شکلینده دانیشدی.
اردوغان، روسیادان قاراد‌نیز کوریدورون‌دان گله‌جک تاخیللارین تورکیه‌ده اون حالینا گتیریلیب یوخسول آفریقا اؤلکه‌لرینه و آز گلیشمیش اؤلکه‌لره انتقالینی گئرچکلشدیره‌جکلرینی سؤیله‌دی.
نیجر و بورکینا فاسونون فرانسایا اورانیم و قیزیل صادراتینی دوردورماسینی دا دگرلندیره‌ن اردوغان، فرانسانین گئچمیش‌ده جزایرده، رواندادا، مالی‌ده ائتدیگی (حاق‌سیز) اویقولامالارین بوتون دونیانین آرشیولرین‌ده مؤوجود اولدوغونو وورغولادی.
فرانسانین گئچمیش‌ده‌کی حاقسیز اویقولامالارینی اؤزللیکله آفریقالیلارین چوخ یاخشی بیلدیگینی وورغولایان جمهورباشقانی،
"طبیعی بو آندا قیزیل گؤندریمینی بونون یانیندا اورانیوم گؤندریمینی بوتونو ایله فرانسایا دوردورموش وضعیتده‌دیرلر. بو، ایللردن بری بو اؤلکه‌لره ائدیله‌ن ظلمون بیر قارشیلیغیدیر و بیزلر ده اونلارلا اولان مثبت ایلیشکیلریمیزی داوام ائتدیرمه‌یه عینی شکیلده چالیشیریق" ایفاده‌لرینی ایشلتدی.