اردوغان: تورکیه‌نین آوروپا بیرلیگینده اؤنونو آچین
"اؤنجه گلین تورکیه‌نین آوروپا بیرلیگینده اؤنونو آچین، اوندان سونرا بیز ده فنلاند ایله باغلی نئجه اونون اؤنونو آچدیقسا، سوئدین ده اؤنونو آچاق"
جمهورباشقانی رجب طیب اردوغان، سوئدین ناتو عضولوگو ایله الاقدار اولاراق،
"اؤنجه گلین تورکیه‌نین آوروپا بیرلیگینده اؤنونو آچین، اوندان سونرا بیز ده فنلاند ایله باغلی نئجه اونون اؤنونو آچدیقسا، سوئدین ده اؤنونو آچاق" دئدی.
اردوغان، لیتوانی سفری اولی ایستانبول آتاتورک هاوالیمانین‌دا مطبوعات کنفرانسی تشکیل ائتدی.
ذیروه حاشیه‌سینده بعضی دؤولت و حکومت باشقانلاری ایله ایکیلی گؤروشمه‌لر ائده‌جینی ایفاده ائد‌ن جمهورباشقانی،
"بو آندا ناتو عضوو اؤلکه‌لرین هارداسا هامیسی آوروپا بیرلیگی عضوودور. تورکیه‌نی آوروپا بیرلیگی قاپیسیندا ۵۰ ایلده‌ن چوخ زاماندیر گؤزله‌دن بو اؤلکه‌لره بورادان سسله‌نیرم اما عینی زامان‌دا ویلنیوس‌دا دا سسلنه‌جه‌یه‌م. اؤنجه گلین تورکیه‌نین آوروپا بیرلیگینده اؤنونو آچین، اوندان سونرا بیز ده فنلاند ایله باغلی نئجه اونون اؤنونو آچدیقسا، سوئدین ده اؤنونو آچاق" دئیه دانیشدی.
اردوغان، بو قونودا دونن آخشام آمریکا بیرلشمیش دؤولتلری باشقانی جو بایدنه ده عینی ایفاده‌لری ایشلتدیگینی، ویلنیوس‌دا دا بو آچیقلامانی وئرمک دوروموندا اولدوغونو ایفاده ائتدی.
جمهورباشقانی، سوئد و فنلاند‌ین ناتویا عضولوک مراجعتلری قونوسون‌دا گئچه‌ن ایل مادریدده ایمضالانان اوچلو آنلاشمایلا بیر یول خریطه‌سی حاضیرلاندیغینی ایفاده ائد‌رک،
"فنلاند، تعهدلاری اساسیندا حرکت ائد‌رک آوریل آیین‌دا اتفاقا رسمی اولاراق عضو اولدو. سوئد قونوسون‌دا ایسه سوره‌ج داوام ائدیر. ایلیلی قوروملاریمیز سوئد‌لی مخاطبلری ایله گؤروشمه‌لری شفاف و یاخشی نیت‌لی بیر یاناشیملا داوام ائتدیریر. من ده بو آخشام سایین باش کاتیب و سوئد باشباخانی ایله اوچلو بیر ییغینجاق گئرچکلشدیره‌جه‌یم. سوئدین ناتویا عضولوک سوره‌جینین ایر‌لیله‌یه‌بیلمه‌سی، اوچلو آنلاشمادا قیدلی خصوصلارین یئرینه یئتیریلمه‌سینه باغلیدیر" دئدی.
جمهورباشقانی اردوغان، آیریجا،
"ذیروه‌ده (ناتو) تورکیه‌یه قارشی تحریم و قیسیدلاما تطبیق ائد‌ن متفیقلره بو یانلیشدان سرعتله دؤنمه‌لری چاغریمیزی تکرارلایاجاغام" دئدی.
ایلگیلی‌لی خبرلر
آنتالیا بیر دفعه داها ذیروه‌ده
آنتالیا "۲۰۲۵ ایلی د-۸ توریزم شهری موکافاتی"نی قازانان ایلک شهر اولدو
