میللی گوونلیک قورولوندان بیلدیری
جمهورباشقانی رجب طیب اردوغان باشقانلیغیندا، جمهورباشقانلیغی ساراییندا دونن ائدیله‌ن میللی گوونلیک قورولو ییغینجاغینین آردین‌دان بیلدیری یاییملاندی
میللی گوونلیک قورولو، تورکیه عصرینین باشلانغیجی اولان یئنی دؤنمده (۲۰۲۳)، اؤلکه‌نین گوونلیگینی، دینجلیگینی و رفاهینی تامین ائتمه‌یه دایر آددیملارین عینی قرار‌لیلیقلا آتیلاجاغینی بیلدیردی.
جمهورباشقانی رجب طیب اردوغان باشقانلیغیندا، جمهورباشقانلیغی ساراییندا دونن ائدیله‌ن میللی گوونلیک قورولو ییغینجاغینین آردین‌دان بیلدیری یاییملاندی.
بیلدیریده، پ‌کاکا/کاج‌کا-پ‌ی‌د/ی‌پ‌گ، فئتؤ و داعش ترور هؤرگوتلری باشدا اولماق اوزره، میللی بیرلیک و برابرلیک ایله بقایا قارشی هر جور تهدید و تهلوکه‌یه قارشی یورد ایچین‌ده و دیشیندا عزم، قرار‌لیلیق و باشارییلا ایجرا ائدیله‌ن عملیاتلار حاقین‌دا قورولا بیلگی سونولدوغو بیلدیریلدی.
سوریه‌نین تورپاق بوتونلوگونون محافظه‌سی ایله قالیجی باریش و ثابیتلیگین تاسیسینین، ترور هؤرگوتلریندن تمیزلنمه‌سی ایله مومکون اولاجاغینا ایشاره ائدیله‌ن بیلدیرده، کوزووادا آرتان گرگینلیگین ایسه بؤلگه‌ده‌کی حساس دنگه‌لری پوزابیله‌جک بیر بحرانا چئوریلمه‌سینه فورصت وئریلمه‌مه‌سی مقصدیله دیالوگ و موشاویره سوره‌جلری داوام ائدرکه‌ن، تورکیه‌نین بؤلگه‌یه وئردیگی دستگین اؤنمی وورغولاندی.
ییغین‌جاق‌دا، روسیا ایله اوکراینا آراسین‌دا سوره‌ن ساواشین بؤلگه‌یه دایر ریسکلری آرتیران تأثیرلری اوزرین‌ده دورولدوغو ایفاده ائدیلن بیلدیریده، آذربایجان ایله ارمنیستان آراسینداکی دیالوگ سوره‌جین‌ده قید ائدیلن ایر‌لیله‌مه‌دن ممنونیت دویولدوغو وورغولاندی.
بیلدیریده آیریجا، سودان‌دا چاتیشان طرفلر، بیر آن اول قالیجی آتیش‌کس اعلان ائد‌رک گئچیش سوره‌جینین قازانیملارینی قوروماغا و مسئله‌لری آنلاشما یولویلا حله قوووشدورماغا دعوت ائدیله‌رک، تورکیه‌نین سودان‌دا باریش و ثابیتلیگین تامین ائدیلمه‌سینه دایر بوتون چابالارا بو گونه قدر اولدوغو کیمی بوندان سونرا دا هر جور دستگی وئرمه‌یه حاضر اولدوغو وورغولاندی.
