اردوغان، وظیفه‌سینه رسمی اولاراق باشلاییر
اردوغان اوچون تورکیه بؤیوک میللت مجلیسینده رسمی قارشیلاما مراسیمی تشکیل ائدیله‌جک
۲۸ می‌ده‌کی سئچیمدن بیر دفعه داها غالیب چیخان جمهورباشقانی رجب طیب اردوغان، ۲۰۲۸-جی ایله قدر داوام ائتدیرجگی وظیفه‌سینه رسمی اولاراق باشلاییر.
ایلک مراسیم باشکند آنکارادا تورکیه بؤیوک میللت مجلیسینده اولاجاق. اردوغان اوچون تورکیه بؤیوک میللت مجلیسینده رسمی قارشیلاما مراسیمی تشکیل ائدیله‌جک.
گئچیجی تورکیه بؤیوک میللت مجلیسی باشقانی اولان میللیتچی حرکت پارتیسی (م‌ح‌پ) لیدئری دؤولت باغچالی، اؤنجه جمهورباشقانی اردوغانا حکمونو تقدیم ائد‌جک. آردین‌دان اردوغان، باش قورول‌دا آند ایچه‌جک.
تورکیه بؤیوک میللت مجلیسینده‌کی مراسیمه دونیا دا بؤیوک ماراق گؤستریر.
ناتو باش کاتیبی ینس استولتنبرگ، جمهورباشقانی اردوغانین آند مراسیمین‌ده ایشتیراک ائتمک و اوست سوییه گؤروشمه‌لر ائتمک اوزره تورکیه‌ده اولاجاق.
ونزوئلا دؤولت باشقانی نیکولاس مادورو، پاکیستان باشباخانی شاهباز شریف ایله آذربایجان جمهورباشقانی ایلهام علییئو و ارمنیستان باشباخانی نیکول پاشینیان دا مراسیمده ایشتیراک ائد‌جک.
تورکیه بؤیوک میللت مجلیسینده‌کی جمهورباشقانی آند مراسیمینه، سومالی و جزایر ایله بالکان اؤلکه‌لرین‌دن ده ایشتیراک دؤولت باشقانی سویه‌سین‌ده اولاجاق.
مراسیمده بعضی اؤلکه‌لر ده خاریجی ایشلر باخانلاری ایله تمثیل ائدیله‌جک. آمریکا بیرلشمیش دؤولتلری، جمهورباشقانی اردوغانین آند مراسیمین‌ده ائلچی جفری فلک ایله تمثیل ائدیله‌جک. روسیا آدینا ایسه فدرال مجلیس دؤولت دوماسی باشقانی ویاچسلاو وولودین قاتیلاجاق.
جمهورباشقانیاردوغان، خاریجی قوناقلاری شرفینه تورکیه ساعاتییلا ۱۹دا چانکایا کؤشکون‌ده آخشام یئمه‌گی وئره‌جک.
یئمک سونراسی جمهورباشقانی اردوغانین یئنی کابینه عضولرینی آچیقلاماسی گؤزله‌نیلیر.
