اردوغان آند ایچدی

ایکینجی دؤورو ۲۸ می‌ده تشکیل ائدیله‌ن جمهورباشقانی سئچیمین‌ده وظیفه‌سینه یئنی‌دن سئچیله‌ن جمهورباشقانی رجب طیب اردوغان، تورکیه بؤیوک میللت مجلیسینده آند ایچدی.
گئچیجی تورکیه بؤیوک میللت مجلیسی باشقانی عنوانی ایله اتورومو آچان میللیتچی حرکت پارتیسی لیدئری دؤولت باغچالی، اؤنجه جمهورباشقانی اردوغانا حکمونو تقدیم ائتدی. آردین‌دان اردوغان، باش قورولدا آند ایچدی.
بئله‌جه اردوغان، ۲۰۲۸-جی ایله قدر داوام ائتدیرجگی وظیفه‌سینه رسمی اولاراق باشلادی.
تورکیه بؤیوک میللت مجلیسینده‌کی مراسیمه دونیانین ماراغی بؤیوک اولدو.
ناتو باش کاتیبی ینس استولتنبرگ، ونزوئلا دؤولت باشقانی نیکولاس مادورو، پاکیستان باشباخانی شاهباز شریف ایله آذربایجان جمهورباشقانی ایلهام علییئو و ارمنیستان باشباخانی نیکول پاشینیان دا مراسیمده ایشتیراک ائتدی.
تورکیه بؤیوک میللت مجلیسینده‌کی جمهورباشقانی آند مراسیمینه، سومالی و جزایر ایله بالکان اؤلکه‌لرین‌دن ده ایشتیراک دؤولت باشقانی سویه‌سین‌ده اولدو. 
مراسیم‌ده بعضی اؤلکه‌لر ده خاریجی ایشلر باخانلاری ایله تمثیل ائدیله‌جک. آمریکا بیرلشمیش دؤولتلری، جمهورباشقانی اردوغانین آند مراسیمین‌ده ائلچی جفری فلک ایله تمثیل ائدیلدی. روسیا آدینا ایسه فدرال مجلیس دؤولت دوماسی باشقانی ویاچسلاو وولودین قاتیلدی.

آند ایچمه مراسیمینین آردین‌دان اردوغان، تورکیه جمهوریتینین قوروجوسو مصطفی کمال آتاتورکون مزارینین اولدوغو آنیدقبیره گئدرک، اؤزل دفتره،
"اؤنوموزده‌کی ۵ ایل بویونجا تورکیه عصری ویزیونوموزو حیاتا گئچیرمک اوچون جانلا، باشلا ایشی داوام ائتدیرجییک" دئیه یازدی.
جمهورباشقانی اردوغان، خاریجی قوناقلاری شرفینه تورکیه ساعاتییلا ۱۹دا چانکایا کؤشکون‌ده آخشام یئمه‌گی وئره‌جک.
یئمک سونراسی جمهورباشقانی اردوغانین یئنی کابینه عضولرینی آچیقلاماسی گؤزله‌نیلیر.