چاووش‌اوغلو: سوئدلی دوستلاریمیزا چوخ آچیق بیر مئساژ

خاریجی ایشلر باخانی مؤولود چاووش‌اوغلو، سوئده، اوچلو آنلاشمادان قایناقلانان تعهدلاری یئرینه یئتیرمه و تروریزمله موباریزه‌ده ملموس آددیملار آتما چاغریسی ائتدی.
چاووش‌اوغلو، توییتردن ائتدیگی پایلاشیمدا، سوئد خاریجی ایشلر باخانی توبیاس بیلسترومون، نروژین باشکندی اوسلودا تشکیل ائدیله‌ن ناتو خاریجی ایشلر باخانلاری ییغینجاغینا باغلی ایفاده‌لرینی جاوابلادی.
باخان چاووش‌اوغلو، پایلاشیمدا، "سوئد‌لی دوستلاریمیزا چوخ آچیق بیر مئساژ! اوچلو آنلاشمادان قایناقلانان تعهدلارینیزی یئرینه یئتیرین و تروریزمله موباریزه‌ده ملموس آددیملار آتین. دیگر خصوصلار آنجاق او زامان حل اولار" سؤزلرینه یئر وئردی.
بیلستروم، توییترده، ییغینجاغا باغلی پایلاشیمین‌دا، "بو گون (دونن) اوسلوداکی ناتو خاریجی ایشلر باخانلاری ییغینجاغی، عضو دؤولتلرین سوئدین ناتو عضولوگونه گوجلو دستگینی گؤستردی. بو، تورکیه و ماجاریستانا، سوئدین ناتویا گیریشینی اونایلاما سوره‌جینه باشلاما قونوسوندا چوخ آچیق بیر مئساژ" ایفاده‌سینی ایشلتمیشدی.