جمهور باشقانی اردوغان پرزیدنت کوللییه‌سینده غلبه چیخیشی ائدیب
نؤوبتی دفعه پرزیدنت سئچیلن رجب طیب اردوغان غلبه چیخیشی ائدیب.
نؤوبتی دفعه پرزیدنت سئچیلن رجب طیب اردوغان غلبه چیخیشی ائدیب.
جمهور باشقانی اردوغان آنکارادا پرزیدنت کوللییه‌سی‌نین قارشی‌سینا توپ‌لاشان مین‌لرله سئچیجی‌سینه تشککور ائدیب.
می‌ین 14-ده و 28-ده هم داخیلده، هم ده خاریجده سئچکی‌لره گئده‌رک دموکراسیمیزین قودرتینی ثبوت ائتمیش هر بیر وطنداشا تشککور ائدیرم. بو پروسه ده توپلومو، پارتیا نوماینده‌لرینی، سئچکی قوتولاری‌نین مسئول ایشچی‌لرینی، موشاهیدچی‌لری، پولیس امکداش‌لارینی و سئچکی‌نین ان ساغلام شکیلده کئچیریلمه‌سی اوچون چالیشان هر کسی تبریک ائدیرم.
چوخ پارتیا‌لی سیاسی حیاتیمیزین ان مهم سئچکی‌لریندن بیرینده میللتیمیز تورکیه‌نین خئیرینه قرار وئردی. آنجاق غالیب اولان یگانه بیز دئیی‌لیک، غالیب تورکیه‌دیر. دموکراسیمیز غالیب گلدی. خاطیرلاییرسینیزسا، همیشه دئییردیک کی، بیز غالیب گلنده اؤلکه‌میزده هئچ کیم اودوزمایا‌جاق."
جمهور باشقانی اردوغان بیلدیریب کی، سئچکی‌لرده مغلوب اولان چیرکین سناریولارین صاحیب‌لری، ترور تشکیلات‌لاری‌دیر:
"ایندی سئچکی دؤورو ایله باغلی بوتون موباحیثه لری، موناقیشه‌لری بیر کنارا قویوب، میللی مقصدلریمیز، آرزولاریمیز اطرافیندا بیرلشمیین واختی‌دیر. بیز بو چاغیریشی یالنیز سؤز اوچون دئییل، بوتون قلبیمیزله ائدیریک. تورکیه-نین گوجونون 85 میلیون اینسانین بیر یئرده اولماسیندان قایناقلاندیغینی بیلیریک.
بو گون مرحوم مندرسین جانین‌دان کئچدیگی دموکراسی و اینکیشاف حمله‌لریمیزین ان یوکسک سویه‌یه چاتدیغی گون‌دور. مرحوم اؤزالین سون نفسینه قدر داوام ائتدیردیگی بؤیوک تورکیه آرزوسونون باشلانغیج گونودور. رحمت‌لیک ارباکان‌دان مرحوم تورکئشه قدر گئدن موباریزه‌لرین هدفینه چاتدیغی گون‌دور.
21 ایلدیر اؤلکه‌میزه گتیردیگیمیز ایشلرله، میللتیمیزه گؤستردیگیمیز خیدمت‌لرله تورکیه‌نین عصرین مژده‌سینی وئرن گون‌دور. بونو سیزینله ائتدیک. کؤرفزدن اینگیلتره‌یه، روسیایا قدر هامی‌سی تبریک‌لرینی چاتدیردی‌لار و گؤروروک کی، صاباح دا بو تبریک‌لر داوام ائده‌جک. آیلاردیر بیزه قارشی قورولان اتفاق‌لاری گؤرموسونوز. کیمین کیمینله اولدوغونو، ترور تشکیلات‌لارینا قارشی دایاندیغیمیزی گؤردونوز".
