تورکیه صاندیق باشیندا
تورک سیاسی تاریخین‌ده ایلک دفعه یاشاناجاق اولان جمهورباشقانی سئچیمی ایکینجی دؤور سس وئرمه‌سی اوچون سس وئرمه ایشلری، تورکیه‌ده یئرلی ساعات ایله ۰۸.۰۰ اعتیبارییلا باشلادی
تورکیه جمهورباشقانی سئچیمی ایکینجی دؤور سس وئرمه‌سی اوچون صاندیق باشیندا...
تورک سیاسی تاریخین‌ده ایلک دفعه یاشاناجاق اولان جمهورباشقانی سئچیمی ایکینجی دؤور سس وئرمه‌سی اوچون سس وئرمه ایشلری، تورکیه‌ده یئرلی ساعات ایله ۰۸.۰۰ اعتیبارییلا باشلادی.
تورکیه‌نین، ۵ ایل بویونجا وظیفه یئرینه جمهورباشقانینین تعیین اولوناجاغی سئچیمده، ۱۴ می‌ده‌کی ایلک دؤورده ان چوخ اویو آلان جمهور اتفاقینین نامیزدی رجب طیب اردوغان ایله میللت اتفاقینین نامیزدی کمال قیلیچداراوغلو یاریشاجاق.
یورددیشی سئچیجی لیستینه ثبتلی تخمیناً ۳،۵ میلیون سئچیجی اوچون، ۷۳ اؤلکه ۱۵۱ نماینده‌لیک‌ده ۱۶۷ نقطه‌ده صاندیق قوروللاری یارادیلمیشدی.
یورددیشی نماینده‌لیکلرین‌ده‌کی سس وئرمه ایشلری ۲۴ می‌ده سونا چاتدی. یورددیشیندا وئریلن اویلار، اوچاقلار و دیپلوماتیک داشیییجیلارلا تورکیه‌یه گتیریلدی.
باشکند آنکارادا یورددیشی ائلچه سئچیم قورولون‌دا ساخلانان سسلر، بو گون بوتون یورددا سس وئرمه ایشینین تاماملانماسینین آردین‌دان دیگر اویلارلا ائش زامانلی آچیلاراق ساییلماغا باشلاناجاق.
اولدوغواؤلکه‌ده تعیین اولونان مدت‌ده اوی وئره‌بیلمه‌یه‌نلرین گؤمروک قاپیلارین‌دا سس وئرمه ایشلری ایسه تورکیه‌ده اولدوغو کیمی ساعات ۱۷یه قدر سوره‌جک.
