اؤلکه خاریجینده وئریلن سس‌لر آنکارایا گتیریلدی

تورکیه-ده می‌ین 28-ده کئچیریله‌جک پرزیدنت سئچکی‌لری‌نین ایکینجی تورو اوچون خاریجی نوماینده‌لیک‌لرده سسوئرمه سوره جی باشا چاتدیق‌دان سونرا سس‌لر اوچاق لارلا آنکارایا گتیریلیب.

سس‌لری داشییان تورک هاوا یول‌لارینا مخصوص اوچاق لار ساعات 19.15، 01.50 و 02.40-دا ائسنبوغا هاوا لیمانینا ائنیب.

جمهور باشقانلیغی سئچکی‌لرینده بیرینجی تورلا موقاییسه‌ده بو دفعه داها یوکسک فعالیغین اولدوغو بیلدیریلیب.

بونا گؤره، خاریجده و سرحد-کئچید منطقه‌لرینده سس وئرن‌لرین سایی‌نین 1،9 میلیونو اؤتدوگو، ایکینجی توردا سیخ ایشتیراکین تورک خالقی‌نین دموکراتیک یئتکین‌لیگی‌نین گؤستریجی‌سی اولدوغو وورغولانیب.