آخار: ترور عملیاتلاری داوام ائده‌جک
آخار، عراق و سوریه‌نین قوزئیینده عملیاتلارین دورمایاجاغینی، ان سون تروریست ضررسیز حالا گتیریلنه قدر بو موباریزه‌نین داوام ائدجگینی ایفاده ائتدی
میللی ساوونما باخانی حولوصی آخار، عراق و سوریه‌نین قوزئیینده عملیاتلارین دورمایاجاغینی، ان سون تروریست ضررسیز حالا گتیریلنه قدر بو موباریزه‌نین داوام ائدجگینی ایفاده ائتدی.
حولوصی آخار، کایسئری‌ده "گنجلیک شؤله‌نی" مراسیمینده ائتدیگی دانیشمادا بؤیوک و گوجلو تورکیه اوچون "گئجه-گوندوز" دئمه‌دن چالیشدیقلارینی ایفاده ائتدی.
بؤیوک و گوجلو تورکیه یولون‌دا اؤنلرینه موختلیف مانعلرین چیخاریلدیغینی، بونلارین ترورون یانین‌دا مطبوعات و یا اقتصاد کیمی یوللارلا گلدیگینی ایفاده ائد‌ن آخار،
"هئچ بیرین‌ده باشاریلی اولا بیلمه‌دیلر. باتیدا طرف‌سیز گؤرونه‌نلر، مطبوعات قانونلارینا اویدوقلارینی ایفاده ائد‌نلر، 'اینسان حاقلاری' سؤزونو دیللرین‌دن سالمایانلار سئچیم اولین‌ده بوتون زهرلرینی ساچدیلار، تورکیه‌یه قارشی قویدولار، جاوابلارینی آلدیلار و رذیل اولدولار. بونلار رذیل اولماغا داوام ائد‌جکلر" دئدی.
آخار، ۴۰ ایلدیر باشینا مسلط اولان ترور بلاسین‌دان خالقی قورتارماق‌دا قرارلی اولدوقلارینی ایفاده ائد‌رک،
"تورک عسگرینین نفسی تروریستلرین آرخاسیندا. بو آندا عراقین، سوریه‌نین قوزئیینده تروریستلرین آرخاسینداییق. بونلارین هئچ بیر قورتولوشو یوخ. یا اؤلجکلر یا تسلیم اولاجاقلار. عدالته تسلیم اولماق‌دان باشقا چاره‌لری یوخ" دئیه دانیشدی.
بؤلوجو ترور هؤرگوتو پ‌کاکانین چؤکوش ایچینده اولدوغونو ایضاح ائد‌ن آخار،
"تروریستلرین چته‌باشلاری، افندیلرینه یالواریر، اونلاردان کؤمک ایسته‌ییرلر، تورک سلاح‌لی گوجلرینین عملیاتلارینین دوردورولماسینی ایسته‌ییرلر. نه عراقین نه سوریه‌نین قوزئیینده عملیاتلار دوراجاق. ان سون تروریست ضررسیز حالا گتیریلنه قدر بو موباریزه داوام ائد‌جک. انشاالله تورک عسگری تروریستلری قازدیقلاری چوخورلارا باسدیراجاق" ایفاده‌لرینی ایشلتدی.
ایلگیلی‌لی خبرلر
ابراهیم کالین میللی کشفیات تشکیلاتی‌نین رهبری وظیفه‌سینه تعیین ائدیلیب
بو باره‌ده جمهور باشقانلیغی ایداره‌سیندن وئریلن معلوماتدا بیلدیریلیب.
