یورددیشیندا سس وئرمه بوگون سونا چاتاجاق

تورکیه‌ده ۲۸ می ۲۰۲۳ بازار گونو ائدیله‌جک جمهورباشقانی سئچیمینین ایکینجی دؤور سس وئرمه‌سی اوچون یورددیشی نماینده‌لیکلرده اوی وئرمه ایشلری بو گون سونا چاتاجاق.
سئچیمین ایکینجی دؤور سس وئرمه‌سی اوچون یورددیشی سئچیجی لیستینه ثبتلی ۳ میلیون ۴۲۳ مین ۷۵۹ سئچیجی‌دن ۱ میلیون ۷۶۳ مین ۹۷۳و یورددیشی نماینده‌لیک و گؤمروکلرده اوی وئردی.
یوکسک سئچیم قورولونون (ی‌س‌کا) سئچیملر اوچون تعیین ائتدیگی تقویمه گؤره، یورددیشی سئچیجی لیستینه ثبتلی سئچیجیلرین اوی وئره‌بیلمه‌سی اوچون ۷۳ اؤلکه‌ده‌کی ۱۵۱ نماینده‌لیک‌ده ۱۶۷ نقطه‌ده صاندیق قورولدو.
یوکسک سئچیم قورولونون تقویمینه گؤره ۲۰ می‌ده باشلایان سس وئرمه ایشلری بو گون بیته‌جک.
یورددیشی سئچیجی لیستینه ثبتلی اولانلار اولدوقلاری یئرده‌کی یئرلی ساعاتلا ۲۲یه قدر صاندیغا گئده‌رک اویلارینی وئره‌بیله‌جک.
بو آرادا گؤمروکلرده ایسه ۲۸ می ساعات ۱۷یه قدر سس وئریله‌بیله‌جک.
یورددیشیندا اوی وئرمه ایشینین سونا چاتماسینین آردین‌دان، سسلر یوکسک سئچیم قورولونون تعیین ائتدیگی اصوللارلا، یوکسک گوونلیک آلتین‌دا، دیپلوماتیک داشییچیلارلا تورکیه‌یه گتیریله‌جک.
یورددیشی سئچیجیلرین وئردیگی اویلار، تورکیه‌ده ۲۸ می بازار گونو ساعات ۱۷ده سس وئرمه ایشینین تاماملانماسینین آردین‌دان دیگر صاندیقلارلا بیرلیک‌ده آچیلاجاق.