چاووش‌اوغلودان تورک ائوینه ائدیله‌ن سالدیرییا باغلی آچیقلاما
"یالنیز تورک ائوینه قارشی دئییل، آمریکاداکی دیگر نماینده‌لیکلریمیزه قارشی دا گوونلیک تدبیرلری گؤرولمه‌سینی طلب ائتدیک"
خاریجی ایشلر باخانی مؤولود چاووش‌اوغلو، آمریکا بیرلشمیش دؤولتلرینین نیویورک شهرین‌ده‌کی تورک ائوینه ائدیله‌ن سالدیرییا باغلی،
"یالنیز تورک ائوینه قارشی دئییل، آمریکاداکی دیگر نماینده‌لیکلریمیزه قارشی دا گوونلیک تدبیرلری گؤرولمه‌سینی طلب ائتدیک" دئدی.
چاووش‌اوغلو، بیر تلویزیون کانالینین جانلی وئریلیشین‌ده آمریکا‌دا تورک ائوینه ائدیله‌ن سالدیرییا باغلی دگرلندیرمه‌لر وئردی.
مؤولود چاووش‌اوغلو، هله سالدیرقانین یاخالانمادیغینی، گؤرونتولرین اولدوغونو و توتولماسی اوچون ایشلرین داوام ائتدیگینی ایضاح ائتدی.
باخان چاووش‌اوغلو، بؤلگه‌ده علاوه تدبیرلر آلیندیغینی،پلیس نقطه‌سی قورولاجاغینی و قورولانا قدر نیویورک پلیسی ماشینلارینین بؤلگه‌ده کئشیک‌ده اولاجاغینی دیله گتیره‌رک، سالدیرینین هانسی سببله ائدیلدیگینین معین اولمادیغینی آنجاق سالدیرقاین توتولونجا بونون بللی اولابیله‌جگینی سؤیله‌دی.
سالدیرقانین بارماق ایزینین تاپیلدیغینی و توتولمانین آن مسئله‌سی اولدوغونو بیلدیرن چاووش‌اوغلو،
نیویورک پلیسی ایله بیرلیک‌ده خاریجی ایشلر باخانلیغینین دا بونو یاخیندان ایزله‌دیینی گؤروروک. سون ائدیله‌ن ایشلرله باغلی آمریکا ائلچیسی (جف) فلک، بیر مئساژ آتمیش، سونرا تلفن‌دا گؤروشدوک، اؤزلرینه ده تشکر ائتدیک یاخین ایلگیلرین‌دن اؤترو" دئدی.
چاووش‌اوغلو، ائو صاحبی اؤلکه اولاراق دیپلوماتیک نماینده‌لیکلرین قورونماسین‌دان آمریکانین مسئول اولدوغونو وورغولایاراق،
"بیر آن اؤنجه بو شخصین توتولماسینی گؤزله‌ییریک. علاوه گوونلیک تدبیرلری، یالنیز تورک ائوینه قارشی دئییل آمریکاداکی دیگر نماینده‌لیکلریمیزه قارشی دا گوونلیک تدبیرلری گؤرولمه‌سینی طلب ائتدیک. ائلچیمیز، یولداشلاریمیز، آنکارادان بیزلر ده یاخیندان ایزله‌ییریک" دئیه دانیشدی.
