قورتاران ۲۰۲۳ مانورو باشلادی
تجگ علمدار دنیزآلتیسیندان پرسنل آختارما قورتارما گمیسی، قورتارما فعالیتلرینی ایجرا ائتمک اوزره آغ دنیزه اوزدو
تورک دنیز، قورو و هاوا گوجلری، ساحل گوونلیک قوموتانلیغی عنصورلاری ایله خاریجی اؤلکه گؤزلمچیلرینین قاتیلدیغی قورتاران-۲۰۲۳ مانورو مطبوعات مرحلهسی باشلادی.
مانورا، تورکیهنین یانیندا آذربایجان، استرالیا، بحرین، بولقاریستان، گونئی کره، لهستان، بیرلشمیش عرب امرلیکلری، الجزایر، اندونزی، گونئی آفریقا، قطر، مالزی، رومانی، سنگاپور، سعودی عربیستان و عماندان ۴۱ گؤزلمچی قاتیلیر.
مارماریس آکساز لیمانیندان حرکت ائدن تجگ علمدار دنیزآلتیسیندان پرسنل آختارما قورتارما گمیسی، قورتارما فعالیتلرینی ایجرا ائتمک اوزره آغ دنیزه اوزدو.
گمیدهکی بیلگیلندیرمهده قورتاران-۲۰۲۳ مانورونون بو ایل آلتینجیسینین ایجرا ائدیلدیگینی ایفاده ائدن قورتارما و سو آلتی قوموتانی دنیز آلبای جمیل شن، مانوردا سطحه چیخما قابیلیتینی ایتیرمیش دنیزآلتییا قارشی قورتارما عملیاتی چرچیوهسینده دنیزآلتینین آختاریلماسی، حیات دستگی تامین ائدیلمهسی و پرسنلینین قورتاریلماسینا باغلی تعلیملر ایجرا ائدیلدیگینی سؤیلهدی.
قورتاران-۲۰۲۳ مانورونون سئچکین گؤزلمچی گونونه ایسه دنیز گوجلری قوموتانی اورآمیرال ارجومنت تاتلیاوغلونون یانیندا ۳۱ اؤلکهدن ۳۲ عسگری نماینده قاتیلدی.
سئچکین گؤزلمچی گونونده دنیزآلتی گمیسینه ایستیناداً آختارما، داغینتی تمیزلهمه، دالغیج/آراوو ایله عاجیل حیات دستک پاکتی چاتدیرما، تمل خاریجی هاوالاندیرما تعلیملری ایله مصدوملارا ایلک موداخیله، معالیجه و تخلیهلرینه دایر تعلیملر باشارییلا ایجرا ائدیلدی.
ایلگیلیلی خبرلر
جمهور باشقانی اردوغان، دنیس بچیروویچ ایله گؤروشوب
جمهور باشقانی رجب طیب اردوغان بوسنی و هرزگوین پرزیدنت شوراسینین صدری دنیس بچیروویچ ایله گؤروشوب.
تورکیه فیلیسطینده باریش و آتیشکس اوچون سعیلرینی داوام ائتدیرهجک
تورکیه، فیلیسطینده آتیشکسین تامین اولونماسی ایستیقامتینده چالیشمایا داوام ائدهجک.
