اردوغان زیگانا تونلینی آچدی
جمهورباشقانی تونلین، دونیانین اوچونجو، آوروپانین و تورکیهنین ان اوزون ایکی بالونلو قورو یولو تونلی اولاراق تیکیلدیگینی ایضاح ائتدی
جمهورباشقانی رجب طیب اردوغان، زیگانا داغینی گئچیلمز اولماقدان چیخاران یئنی زیگانا تونلینین، بؤلگهنین هر ساحهدهکی قالخینماسینین سمبوللاریندان بیری اولاجاغینی سؤیلهدی.
اردوغان، ترابزوندا تشکیل ائدیلهن یئنی زیگانا تونلی آچیلیش مراسیمیندهکی دانیشماسیندا، تونلین، دونیانین اوچونجو، آوروپانین و تورکیهنین ان اوزون ایکی بالونلو قورو یولو تونلی اولاراق تیکیلدیگینی ایضاح ائتدی.
ترابزون ایله گوموشحانه آراسینداکی بو تونلله قارادنیزی دوغو و گونئی دوغو آنادولویا، اورادان ایران و اورتا دوغویا، یعنی تاریخی ایپک یولونا باغلادیقلارینی ایفاده ائدن اردوغان،
" زیگانا داغینی گئچیلمز اولماقدان چیخاران بو تونل، بؤلگهمیزین هر ساحهدهکی قالخینماسینین سمبوللاریندان بیری اولاجاق. زاماندان، یاناجاقدان، کربن سالینیمیندان تامین ائدجگی فایدالار یانیندا، قارادنیز لیمانلارییلا اؤلکهمیزین گونئیی آراسیندا یئنی بیر نفس بوروسو آچیریق" دئیه دانیشدی.