تورکیه، اوکراینا و روسیا ساوونما ناظیرلرینین معاوین لری تاخیل سازیشینی موذاکیره ائدجک
تورکیه، اوکراینا و روسیا ساوونما ناظیرلرینین معاوینلری "تاخیل سازیشینین مدتینی اوزاتماق اوچون ایستانبول-دا گؤروشمگی پلانلاشدیریرلار.
میللی ساوونما ناظیری حولوصی آکار بیلدیریب کی، می‌ین 5-ی جمعه گونو تورکیه، اوکراینا و روسیا ساوونما ناظیرلرینین معاوینلری "تاخیل سازیشینین مدتینی اوزاتماق اوچون ایستانبول-دا گؤروشمگی پلانلاشدیریرلار.
حولوصی آکار روسیا-اوکراینا محاربه‌سی سببیندن یاشانان "ارزاق بحرانی" ریسکی‌نین آرا‌دان قالدیریلماسی اوچون تورکیه-نین سعی‌لری ایله یارادیلان "اخیل دهلیزی" ایله باغلی سوا‌لی جاوابلاندیریب.
حولوصی آکار تورکیه، روسیا، سوریه و ایران ساوونما ناظیرلری ایله کشفیات رهبرلری آراسیندا مسکوادا باش توتان دؤردطرف‌لی توپلانتی چرچیوه‌سینده روسیا ساوونما ناظیری سرگئی شویگو ایله ایکی طرف‌لی گؤروش کئچیردیگینی بیلدیریب.
آوریلین 18-ده کایسئری- ده اوکراینانین آلت یاپی ناظیری اولکساندر کوباکوو ایله گؤروشدوگونو خاطیرلا‌دان حولوصی آکار دئییب:
"گؤروش‌لریمیزده تاخیل سازیشینی ده موذاکیره ائتدیک. هر ایکی طرفین بو چرچیوه ده تکلیفیمیزی قبول ائتمه‌سی نتیجه‌سینده تورکیه، اوکراینا و روسیا ساوونما ناظیرلرینین معاون لرینین می‌ین 5-ده جمعه گونو ایستانبول-دا گؤروشمه‌سی پلانلاشدیریلیر. توپلانتیدا "تاخیل سازیشی ایله یاناشی بعضی مؤوضوع لار موذاکیره اولونا‌جاق. اومید ائدیریک کی، "تاخیل سازیشی داوام ائده‌جک. چونکی بو سازیش هم بولگه سل باریش و ثابت‌لیک، هم ده احتیاجی اولان اؤلکه‌لر اوچون چوخ واجیبدیر.
