حولوصی آکار آنتاکیادا ناتو-نون قوردوغو چادیر شهرجیگی‌نین آچیلیش مراسیمینه قاتیلیب
حولوصی آکار وئردیک‌لری یاردیما گؤره ناتو و بوتون دوست و متفیق اؤلکه‌لره تشککور ائدیب.
میللی ساوونما ناظیری حولوصی آکار قهرمان ماراش مرکزلی زلز‌له‌لردن سونرا هاوا دهلیزینه اوچاق و هلیکوپترلرله و چادیر شهرجیگی‌نین تیکینتی‌سینه وئردیک‌لری یاردیما گؤره ناتو و بوتون دوست و متفیق اؤلکه‌لره تشککور ائدیب.
حولوصی آکار اورتا مکتب اؤیرنجی لری اوچون مکتب و صینیف اوتاغی، ائله‌جه ده اونلارین اولماسی اوچون حاضیرلانمیش آنتاکیا ناتو چادیر شهرجیگینی باش قرارگاه رئیسی ژنرال یاشار گولر و ناتو متفیق قوه‌لری‌نین عالی باش قوموتانی ژنرال کریستوفر جی. کاولی ایله بیرلیکده ایستیفاده‌یه وئریب.
ناتو-نو بؤیوک و گوجلو ساوونما تشکیلاتی کیمی خاراکتریزه ائدن ناظیر آکار تورکیه-نین 70 ایلدن آرتیق‌دیر کی، ناتونون فعال و اعتبارلی عضوو اولدوغونو بیلدیریب.
حولوصی آکار تورکیه-نین ناتوداکی وظیفه‌لرینی تام شکیلده یئرینه یئتیردیگینی بیلدیریب:
"ناتو-نون تکجه حربی تشکیلات اولمادیغینی، هم ده اینسانی یاردیمدا نه قدر تأثیرلی اولدوغونو ایچینده اولدوغوموز تاسیس ایله گؤروروک. چتین آنلاردا دایانیشما واجیب‌دیر. بو چتین گون‌لرده بیرلیکده اولماق، امکداش‌لیق ائتمک، دایانیشما ایچینده اولماق چوخ واجیب‌دیر. بونو دا ناتو-دان و بوتون متفیق‌لریمیزدن گؤردوک".
و ناتو متفیق قوه‌لری‌نین عالی باش قوموتانی ژنرال کریستوفر جی. کاولی ده چتین آنلاردا تورکیه-یه کؤمک الینی اوزاتماقدان ممنون اولدوق‌لارینی بیلدیریب.
زلز‌له‌نین فسادلارینی دایانیشما ایچینده آرا‌دان قال‌دیرماق اوچون جهد ائتدیک‌لرینی ایفاده ائدن کاولی دئییب:
"ناتو صحرا خسته‌خانا‌لارینی، پرسنلینی، چادیرلارینی و قیدا ایمکان لارینی سفربر ائدیب. تورکیه-نین احتیاجی اولدوغو مدتده بیز اونو تامین ائتمه‌یه داوام ائدجییک".
ایلگیلی‌لی خبرلر
۲ تروریست ضررسیزلشدیریلدی
قیرمیزی و بوز کتگوریلرده آختاریلان ۲ تروریست، شیرناک و دیارباکیردا ضررسیز حالا گتیریلدی
