قهرمان ماراشدا کانتینر و چادیر شهرلر
ایچ ایشلری باخانلیغی، مارس آیینا باغلی زلزله بؤلگهسینده ایجرا ائدیلهن ایشلره عاید معلوماتلاری پایلاشدی
قهرمان ماراش مرکزلی ۶ فوریهده میدانا گلن زلزلهلردن ائتکیلنن بؤلگهلرده، ۳۴۵ چادیر شهر و ۳۰۵ کانتینر شهر قورولدو.
ایچ ایشلری باخانلیغی، مارس آیینا باغلی زلزله بؤلگهسینده ایجرا ائدیلهن ایشلره عاید معلوماتلاری پایلاشدی.
بونا گؤره، زلزلهدن ائتکیلنن ۸ ائلده ۳۴۵ چادیر شهرده توپلام ۶۵۶ مین ۵۵۳ چادیر قورولدو. چادیرلاردا قالان اینسان ساییسی ایسه ۲ میلیون ۶۲۶ مین ۲۱۲ اولدو.
۳۰۵ کانتینر شهرین اولدوغو ۱۰ ائلده ایسه قورولماسی پلانلانان ۱۳۲ مین ۴۴۷ کانتینردن ۴۹ مین ۲۰۲سینین تاماملاندیغی، آیریجا ۱۷ مین ۵۴۱ اورتاق توالت و ۸ مین ۲۵۹ اورتاق دوشون خیدمته گیردیگی، کانتینرده قالان اینسان ساییسینین ۷۸ مین ۷۱۸ اولدوغو قید ائدیلدی.
دیگر یئرلردهکی دئپرمدن ضرر گؤرنلرین توپلام بارینما خیدمتی وئریلهن اینسان ساییسینین ۲ میلیون ۷۹۶ مین ۵۸۹ اولدوغو بیلدیریلدی.
زلزله بؤلگهسینده بو آندا آکتیو وظیفه یئرینه یئتیرهن پرسنل ساییسینین ایسه ۱۹۱ مین ۴۹۸ اولدوغو قید ائدیلدی.
بؤلگهدن چیخاریلان اینسان ساییسینین ایسه ۱ میلیون ۵۴۹ مین ۳۴۴ اولدوغو آچیقلاندی.