لاوروو تورکیه‌یه گله‌جک
زاخارووا، اوکراینا، سوریه، قاراباغ مؤوضوعلارینین یانیندا اورتا آسیا و افغانیستان ایله باغلی دا گؤروشمه‌لر ائدیله‌جگینی قید ائتدی
روسیا خاریجی ایشلر باخانی سرگئی لاورووون ۶-۷ آوریل‌ده تورکیه‌یه رسمی سفر ائده‌جگی بیلدیریلدی.
روسیا خاریجی ایشلر باخانلیغی سؤزوچوسو ماریا زاخارووا، باشکند موسکوادا تشکیل ائتدیگی هفته‌لیک مطبوعات توپلانتیسیندا باخان لاورووون گله‌جک هفته‌کی پروگرامینا باغلی بیلگی وئردی.
خاریجی ایشلر باخانی مؤولود چاووش‌اوغلونون قوناغی اولاراق لاورووون ۶-۷ آوریل‌ده تورکیه‌یه سفر گئرچکلشدیره‌جگینی ایفاده ائد‌ن زاخارووا، "گؤروشمه‌لر سیراسیندا باش‌دا تیجارت، انرژی و توریزم داخیل اولماق اوزره قارشیلیق‌لی چیخار ساحه‌لرینده ایکیلی امکداشلیغین وضعیتی و گؤزلنتیلر باش‌دا اولماق اوزره چوخ چئشیدلی مؤوضوعلارین دانیشیلماسی پلانلانیر" ایفاده‌لرینی ایشلتدی.
گؤروشمه‌ده اولوسلارآراسی گونجل مسئله‌لرین اله آلیناجاغینی بیلدیرن زاخارووا، اوکراینا، سوریه، قاراباغ مؤوضوعلارینین یانیندا اورتا آسیا و افغانیستان ایله باغلی دا گؤروشمه‌لر ائدیله‌جگینی قید ائتدی.
زاخارووا، آیریجا چاووش‌اوغلو و لاورووون ایکیلی گؤروشمه‌لری سیراسیندا موختلیف سویه‌لرده ایکیلی گؤروشمه‌لرین ائدیلمه‌سی اوچون چالیشالارین سوردوگونو سؤزلرینه علاوه ائتدی.
