تورک هاوا یول لاری لوزاکا اوچوش‌لارینی یئنی‌دن باشلادیب

تورک هاوا یول‌لاری (THY) یئنی نوع کوروناویروسون (کووید-19) یاییلماسی سببیندن دایاندیردیغی زامبیانین پایتاختی لوزاکا اوچوش‌لارینا یئنی‌دن باشلاییب.

تورک هاوا یول‌لاری مطبوعات خیدمتیندن وئریلن معلوماتا گؤره، مارسین 26-دا K525  نؤمره‌لی لوزاکایا ایلک اوچوش " Boeing 737-8 Max " اوچاق لاری ایله حیاتا کئچیریلیب.

آچیقلامادا تورک هاوا یول‌لاری ایداره هئیتی‌نین و ایجرایه کومیته‌سی‌نین صدری پروفسور دوکتور احمد بولات افریقا قاره سینه ان چوخ اوچوش حیاتا کئچیرن شیرکت اولدوق‌لارینی وورغولاییب.

احمد بولات "افریقا قاره سینده ان چوخ نقطه‌یه اوچوش حیاتا کئچیرن هاوا یولو شیرکتی اولا‌راق 62 ایستیقامته اوچوش‌لاریمیزلا بو قاره یه وئردیگیمیز اهمیتی گؤستریریک. تورک هاوا یول‌لاری اولا‌راق فاصله لری بیر-بیرینه یاخین‌لاشدیرماق مئساژیمیزی داوام ائتدیریریک؛ فرق‌لی مدنیت‌لری و اینسان‌لاری بیرلشدیرمک سعی گوجوموزه گوج قاتیر" ایفاده‌لردن ایستیفاده ائدیب.

تورک هاوا یول‌لاری-نین لوزاکا اوچوش‌لاری دارالسلام ترانزیتی ایله هفته‌ده ایکی رئیس رئال‌لاش‌دیرا‌جاق.