آخار، قرآن و تۆرک بایراغینا ائدیلهن سالدیرینی قینادی
"سؤزده ایفاده اؤزگورلوگو آدینا بونلارین ائدیلدیگینی سؤیلهیهنلر حقیقتاً بؤیوک بیر یانیلقی ایچیندهدیرلر"
میللی ساوونما باخانی حولوصی آخار، دانمارکدا قرآن کریمه و تۆرک بایراغینا ائدیلهن سالدیرینی قینادی.
حولوصی آخار، حاتایدا حدود قاراقولوندا گوندمه باغلی دگرلندیرمهلر وئردی.
دانمارکدا تۆرکیه ائلچیلیگی قارشیسیندا قرآن کریمه و تۆرک بایراغینا ائدیلهن سالدیرییا توخونان آخار،
"بونلاری شدتله قیناییریق، لعنتلهییریک. بو هئچ بیر شکیلده ایفاده اؤزگورلوگو ایله ایضاح ائدیلهبیلمز. سؤزده ایفاده اؤزگورلوگو آدینا بونلارین ائدیلدیگینی سؤیلهیهنلر حقیقتاً بؤیوک بیر یانیلقی ایچیندهدیرلر" دئدی.
آخار، بو جور تخریباتلارا گؤز یومولماسی و ایجازه وئریلمهسینین اینسانلیق و نیفرت سوچونا اورتاق اولماق آنلامینا گلدیگینی وورغولادی.
میللی ساوونما باخانی،
"ناتو متفیقیمیز اولانلاردان و یا اولماغا نامیزد اولانلاردان بو مؤوضوعلاردا داها حساس اولمالارینی، بو حرکتی گئرچکلشدیرنلره تئزلیکله لازیم اولانی ائتمهلری و مدنی اؤلکهلرین آلدیغی تدبیرلره بنزر تدبیرلری آلمالاری ضرورتینی ده بیر دفعه داها خاطیرلاتماق ایستهییرم" شکلینده دانیشدی.
ایلگیلیلی خبرلر
ایزمیرین دوشمن ایشغالیندان آزاد ائدیلمهسینین ۱۰۲-جی ایلدؤنومو
تورکیه اوردوسونون ۱۰۲ ایل اول ایزمیره گیردیغی مسیرده «ظفر مارشی» گئچیریلیب
