تورکیه‌دن ترورلا موباریزه وورغوسو
"تورکیه، سوریه‌نین سیاسی و تورپاق بوتونلوگونه اولان باغلیلیغینی داوام ائتدیررکن، پ‌کاکا/ی‌پ‌گ و داعش کیمی ترور هؤرگوتلرینین آیریلیقچی گوند‌ملرینی نتیجه‌سیز قیلما قونوسوندا قرارلیغینی داوام ائتدیره‌جک"
تورکیه‌نین بیرلشمیش میللتلر دائمی نماینده‌سی ائلچی سدات اؤنال، سوریه‌نین سیاسی و تورپاق بوتونلوگونه اولان باغلیلیغینی داوام ائتدیره‌ن تورکیه‌نین، پ‌کاکا/ی‌پ‌گ و داعش کیمی ترور هؤرگوتلرینین آیریلیقچی گوند‌ملرینی نتیجه‌سیز قیلما قونوسوندا قرارلیغینی داوام ائتدیرجیینی سؤیله‌دی.
اؤنال، بیرلشمیش میللتلر گوونلیک شوراسیندا تشکیل ائدیله‌ن سوریه قونولو توپلانتیدا دانیشدی.
سوریه‌ده چاتیشمانین ۱۳.جو ایلینه گیردیگینه دقت چکه‌ن اؤنال، سوریه خالقینین ساواش و یئریندن ائدیلمه‌نین یاراتدیغی تخریباتین آجیسینی چکمه‌یه داوام ائتدیگینی دیله گتیردی.
اؤنال، ۶ فوریه‌ده‌کی زلز‌له‌لر اؤنجه‌سینده ده سوریه‌ده‌کی اینسانی وضعیتین چوخ پیس اولدوغونا ایشاره ائد‌رک، "زلز‌له‌لر حاضردا چوخ کؤورک اولان وضعیتی پیسلشدیره‌رک، اینسانی احتیاجلاری حساس حالا گتیردی. بو وضعیت بیرلشمیش میللتلر سرحد سارته‌سی یاردیمینین داوام ائتدیریلمه‌سینی داها دا اؤنملی ائتمیشدیر" دئیه دانیشدی.
سوریه‌ده داوام ائد‌ن بحرانا قیدسیز قالینابیلمه‌یه‌جگینی وورغولایان اؤنال، سیاسی سۆره‌جین تکرار جانلاندیریلماسی لازیم اولدوغونو دیله گتیردی.
سیغینماجیلارین گۆونلی، کؤنوللو و اونورلو گئری قاییدیشلاری اوچون اویغون شرطلرین یارادیلماسینین بحرانا قالیجی حل تاپما چابالارینین بیر پارچاسی اولماسی لازیم اولدوغونو وورغولایان اؤنال، "بو بوتون اولوسلارآراسی توپلومون اورتاق مسئولیتیدیر" دئدی.
ائلچی اؤنال، "تورکیه، سوریه‌نین سیاسی و تورپاق بوتونلوگونه اولان باغلیلیغینی داوام ائتدیررکن، پ‌کاکا/ی‌پ‌گ و داعش کیمی ترور هؤرگوتلرینین آیریلیقچی گوند‌ملرینی نتیجه‌سیز قیلما قونوسوندا قرارلیغینی داوام ائتدیره‌جک" ایفاده‌لرینی دیله گتیردی.
