حولوصی آکار سرگئی شویگو ایله تلفونلا دانیشیب

میللی ساوونما ناظیری حولوصی آکار روسیا فدراسیونونون ساوونما ناظیری سرگئی شویگو ایله تلفونلا دانیشیب.

تورکیه میللی ساوونما ناظیرلیگیندن وئریلن معلوماتا گؤره، ناظیرلر اوکراینا‌داکی وضعیتی، قارا دنیز دهلیزی ایله تاخیل تداروکونو، ائله‌جه ده سوریه قوزیی ینده‌کی وضعیتی موذاکیره ائدیب‌لر.

قلوبال ارزاق بحرانی‌نین حلینه بؤیوک تحفه وئرن تاخیل تشببوسونون گئنیشلندیریلمه‌سی ساحه‌سینده امکداش‌لیق‌دان ممنون‌لوغونو ایفاده ائدن حولوصی آکار، تاخیل داشینماسی‌نین فاصیله‌سیز داوام ائتدیریلمه‌سی‌نین واجیب‌لیگینی وورغولاییب.

ناظیر آکار تورکیه-نین بؤلگه‌ده باریشین و اینسانی یاردیما چیخیشین تامین ائدیلمه‌سینه تحفه وئرمه‌یه ایندییه قدر اولدوغونو کیمی بون‌دان سونرا دا داوام ائدجگینی دیله گتیریب.

سوریه-نین قوزیی ینده‌کی وضعیته ده توخونان آکار تورکیه-نین بؤلگه‌ده‌کی یگانه مقصدی‌نین ترورلا موباریزه، سرحدلری‌نین و وطنداش‌لاری‌نین تهلوکه‌سیزلیگینی تامین ائتمک و داها چوخ اینسانی فلاکت‌لرین قارشی‌سینی آلماق اولدوغونو بیلدیریب.

جمهور باشقانی رجب طیب اردوغان و روسیا پرزیدنتی ولادیمیر پوتین‌ین رهبرلیگی ایله باش‌لانان دانیشیق‌لارین سوریه-ده و بوتؤولوکده بولگه ده باریش و ثابت‌لیگه مهم تحفه وئرجگینه امین‌لیگینی ایفاده ائدن حولوصی آکار بو پروسه سین داوام ائتدیریلمه‌سی‌نین بؤیوک اهمیت کسب ائتدیگینی وورغولاییب.

حولوصی آکار همچنین تورکیه-ده باش وئرن داغیدیجی زلز‌له‌لرله باغلی روسیا طرفینه گؤستردیگی یاردیما و هم رای‌لیگه گؤره میننتدارلیغینی بیلدیریب.