بیرلشمیش میللتلرین ان بؤیوک آختارما قورتارما عملیاتی

بیرلشمیش میللتلرین ۶ فوریه‌ده میدانا گلن قهرمان ماراش مرکزلی زلزله‌لرین آردین‌دان یئریتدیگی چالیشمالار، قورولوشون کنترلوندا گئرچکلشن ان بؤیوک اولوسلارآراسی آختارما قورتارما عملیاتی اولدو.

بیرلشمیش میللتلر اینسانی کؤمک اوفیسی ژنو نماینده‌سی و ایش بیرلیگی بیریمی مودورو رامش راجاسینگهام، قهرمان ماراش مرکزلی زلزله‌لردن سونرا بیرلشمیش میللتلر کنترلوندا گئرچکلشن آختارما قورتارما عملیاتلارییلا باغلی مطبوعاتا دانیشدی.

تورکیه‌ده‌کی آختارما قورتارما ایشلرینه باغلی راجاسینگهام، "بو، بیرلشمیش میللتلرین یئریتدیگی آچیق آرا ان بؤیوک اولوسلارآراسی آختارما قورتارما عملیاتی ایدی. یالنیز بیرلشمیش میللتلر اولوسلارآراسی آختارما قورتارما مشاویره قروپو و بیرلشمیش میللتلر فلاکت دگرلندیرمه و کوردیناسیون مکانیزمی چتری آلتین‌دا اونلارلا عضو اؤلکه‌دن ۴۹ قروپ وظیفه‌لندیریلدی" ایفاده‌لرینی ایشلتدی.

راجاسینگهام، "۳۸ فرق‌لی اؤلکه‌دن گلن آختارما قورتارما قروپلاری ۳۰۰ دولاییندا حیات قورتاردی. بو، اولوسلارآراسی آختارما و قورتارما عملیاتلارین‌دا قورتاردیغیمیز ان یوکسک اینسان ساییسیدیر" سؤزلرینی دیله گتیردی.

راجاسینگهام، تورکیه‌نین اینسانی مؤوضوعلاردا اؤنه چیخان و چتین وضعیتده قالانلارا دستک اولان رولونو خاطیرلاداراق، "منجه آرتیق تورکیه‌یه قارشی سخاوتلی داورانمانین زامانی گلدی. تورکیه خالقی بیر فلاکتله قارشی قارشییا، بو چوخ تراژیک بیر وضعیت. بو سببله دونیانین هر یئرین‌دن باغیشچیلاری، تورکیه‌یه ایستیقامت‌لی کؤمک چاغریسینا اولابیلدیگینجه سخاوتله قاتقی تامین ائتمه‌یه دعوت ائدیریک" دئدی.