مولود چاووش اوغلو لوبنان-ین خاریجی ایشلر و کوچ ناظیرلریله گؤروشوب
مولود چاووش اوغلو قهرمان ماراش مرکزلی زلزلهلردن سونرا خاریجدن بؤیوک دستک گؤردوکلرینی بیلدیریب.
خاریجی ایشلر ناظری مولود چاووش اوغلو فوریهنین 6-دا باش وئرن و "عصرین فلاکتی" اولاراق خاراکتریزه ائدیلن و 11 ویلایته تأثیر ائدن قهرمان ماراش مرکزلی زلزلهلردن سونرا خاریجدن بؤیوک دستک گؤردوکلرینی بیلدیریب.
چاووش اوغلو پایتاخت آنکارادا لوبنان خاریجی ایشلر و کوچ ناظیری عبدالله بوحبیب و اجتماعی ایشلر و نقلیات ناظیری علی حمیه ایله گؤروشدن سونرا کئچیریلن بیرگه مطبوعات کنفرانسیندا دانیشیب.
چاووش اوغلو زلزلهنین ایلک گونلریندن بوتون قوروملارین ساحهده اولدوقلارینی و اولوسلار آراسی آختاریش-قورتارما قروپلارینین تورکیه-یه گلمهسی اوچون لازیمی کووردیناسیونو حیاتا کئچیردیکلرینی بیلدیرهرک دئییب:
102 اؤلکه یاردیم تکلیف ائتدی. 90 اؤلکهدن آختاریش- قورتارما و طبی قروپلار گلدی. صحرا خستهخانالاری یارادیلدی و بؤیوک دستک گوردوک. بیر داها بوتون اولوسلار آراسی توپلوما تشککور ائدیریک".
چاووش اوغلو خاریجدن گلن چادیرلارین سایینین 93 مین 637-یه چاتدیغینی و کانتیرله باغلی فعالیتلرین داوام ائتدیگینی وورغولاییب.
مولود چاووش اوغلو بیرلشمیش میللتلر تشکیلاتینین (بمت) عاجیل چاغیریش مکانیزمینی درحال ایشه سالدیغینی خاطیرلادیب و 3 آیدا تورکیه-یه 1 میلیارد دوللارلیق عاجیل احتیاجلارین اؤدنیلمهسی اوچون یاردیما چاغیردیغینی بیلدیریب:
"باشدا بمت اولماقلا موختلیف اؤلکهلردن زلزله بؤلگهسینه دستک اولانلاری گؤروروک".
آوروپا بیرلیگینین تورکیه-یه دستک اوچون اولوسلار آراسی کنفرانس تشکیل ائتدیگینی قئید ائدن خاریجی ایشلر ناظیری گلهجک یاردیملاردان ایستیفاده اوچون قوروملارلا گؤروشدوکلرینی بیلدیریب.
لوبنان-ین خاریجی ناظیری عبدالله بوحبیب ایسه دئییب کی، بیزیم قارداشلیق علاقهلریمیز (تورکیه ایله) سرحدسیزدیر، بو چتین گونلرده قارداش تورکیه-یه کؤمکلیک گؤستردیک. بیلیریک کی، چتین گونلریمیزده ده تورکیه بیزیمله اولوب".