امریکا تورکیه-ده زلزله‌دن ضرر چکن اینسان‌لارا یاردیم‌لارینی داوام ائتدیره‌جک

امریکا تورکیه-نین ناتو بیرلیگی متفیق لیگینی و امریکا-تورکیه ایستراتژی مکانیزمینی وورغولایا‌راق، فوریه‌نین 6-دا قهرمان ماراش مرکزلی زلز‌له‌لردن ضرر چکن اینسان‌لارا ائدیله‌جک یاردیمین داوام ائدجگینی آچیقلاییب.

امریکا خاریجی ایشلر ناظیرلیگیندن پای‌لاشیلان معلوماتلاندیرما سندینده "تورکیه و امریکا قوزیی آتلانتیک موقاویله‌سی تشکیلاتی (ناتو) متفیق‌لری و اوزون مودت‌لی طرفداش‌لاری‌دیر. بحران زامان‌لاریندا و بولگه‌سل تهلوکه‌سیزلیک و رفاه ایله باغلی ساحه‌لرده بیرگه ایشلمک‌دن غرورلو بیر تاریخه صاحیبیک" ایفاده‌لری ایشله‌دیله‌رک، فوریه‌نین 6-دا باش وئرمیش 7،7 و 7،6 شدتینده زلز‌له‌لردن ضرر چکن‌لره یاردیم‌لارین داوام ائتدیریله‌جگی وورغولانیب.

امریکا-تورکیه علاقه‌لری‌نین "کؤک‌لو دوستلوق" اوزرینده قورولدوغونا دقت چکیلن معلوماتلاندیرمادا ایکی دؤولتین عثمانلی امپریاسی دؤورونده 1831-جی ایله قدر داوام ائدن دیپلوماتیک تاریخی و جمهوریتین یارانماسیندان سونرا "12 جولای 1947-جی ایلده ایمضالانمیش اقتصادی و تکنیکی امکداش‌لیق موقاویله‌سیله علاقه‌لرین داها دا اینکیشاف ائتدیریلدیگی" ایفاده ائدیلیب.

معلوماتلاندیرمادا همچنین 1952-جی ایلدن ناتو عضوو اولان تورکیه-نین افغانیستان، عراق و بالکان‌لار دا داخیل اولماقلا بوتون دونیادا میسیون لاری دستکلدیگینه دایر معلومات‌لار دا یئر آلیب.

امریکا-تورکیه ایستراتژی مکانیزمی خاریجی ایشلر ناظیرلیگی‌نین معلوماتلاندیرما سندینده بیر مدت‌دیر حیاتا کئچیریلن امریکا – تورکیه ایستراتژی مکخانیزمینه ده توخونولا‌راق، بو چرچیوه‌ده ژانویه‌نین 18-ده امریکا خاریجی ایشلر ناظیری آنتونی بلینکن تورک همکاری مولود چاووش اوغلو ایله 4-جو دفعه گؤروش کئچیردیگی و تورک هاوا قوه‌لری‌نین مدرن لشدیریلمه‌سی ده داخیل اولماقلا امریکا-تورکیه ساوونما طرفداش‌لیغی‌نین گوجلندیریلمه‌سی‌نین ده موذاکیره اولوندوغو قئید ائدیلیب.