زلز‌له‌دن ضررچکن‌لر اوچون اینسانی یاردیم‌لار داوام ائدیر
تایوان خالقی‌نین "عصرین فلاکتی" اولا‌راق خاراکتریزه ائدیلن قهرمان ماراش مرکزلی زلز‌له‌لردن سونرا گؤستردیگی یاردیم داوام ائدیر.
آذربایجان پرزیدنتی، سلاحلی قوه‌لرین عالی باش قوموتانی ایلهام علی یئوین گؤستریشینه اساساً، تورکیه-ده باش وئرمیش زلز‌له‌دن ضررچکن‌لره دستک مقصدیله حیاتا کئچیریلن یاردیم تدبیرلری داوام ائدیر.
بو باره‌ده آذربایجان ساوونما ناظیرلیگی‌نین مطبوعات خیدمتیندن معلومات وئریلیب.
ساوونما ناظیرلیگی‌نین مادی-تکنیکی تأمینات باش ایداره‌سی‌نین تأمینات بازاسیندان قارداش اؤلکه‌یه قیش صحرا چادیرلاری، پتو، یاتاق لار، یاتاق کیسه‌لری، قیزدیریجی‌لار، الکتریک ژنراتورلاری و دیگر ضروری اشیا‌لاردان عبارت نؤوبتی یاردیم یوک اتومبیلی واسیطه‌سیله تورکیه-یه گؤندریلیب.
تایوان خالقی‌نین "عصرین فلاکتی" اولا‌راق خاراکتریزه ائدیلن قهرمان ماراش مرکزلی زلز‌له‌لردن سونرا گؤستردیگی یاردیم دا داوام ائدیر.
تایپه تورک تیجارت اوفیسی سوسیال مئدیا حسابلاریندان ائتدیگی پای‌لاشیمدا تورک هاوا یول‌لارینا عایید طیاره‌نین زلز‌له‌دن ضررچکن‌لر اوچون 10 مین ادیال، 600 چادیر، 5 صحرا خسته‌خاناسی چادیری و لوازیمات‌لارین پایتاخت تایپه-ده‌کی تاویوان هاوا لیمانیندان یولا دوشدوگونو بیلدیریب.
تشکیلات طرفیندن گؤندریلن ایلک یاردیم اولان 150 تونلوق وسایت سراغا گون تورکیه-یه گلیب. زلز‌له‌لردن سونرا تورکیه-یه یولا دوشن جمعی 130 نفرلیک ایکی تایوان‌لی آختاریش- قورتارما قروپو آدی یامان-داکی ایشلره هله ده دستک وئریر.
چین ده زلز‌له‌لردن سونرا تورکیه-یه طبی آوا‌دان‌لیق و لوازیمات گؤندرجگینی آچیقلاییب.
خاریجی ایشلر ناظیرلیگی‌نین سؤزچوسو وانگ وینبین پایتاخت پکن-ده کئچیریلن نؤوبتی مطبوعات کنفرانسیندا بیلدیریب کی، یاردیمین ایلک حیسه‌سی، او جمله‌دن یورغان و چادیر کیمی عاجیل یاردیم‌لار 11 و 12 فوریه تاریخ‌لرینده تورکیه-یه چاتیب.
وانگ بیلدیریب کی، یاردیم‌لارین ایکینجی حیسه‌سی‌نین، او جمله‌دن الکتروکاردیوگرافی و سونوگرافی آوا‌دان‌لیق‌لاری، طبی نقلیات واسیطه‌لری، خسته یاتاق لاری‌نین بو هفته گؤندریلمه‌سی پلانلاشدیریلیر.
پاکیستانین باش ناظری شهباز شریف دایانیشما مقصدی ایله تورکیه-نین ایسلام آباد-داکی سفیرلیگینی زیارت ائدیب و فوریه‌نین 6-دا قهرمان ماراش-دا باش وئرن و "عصرین فلاکتی" اولا‌راق خاراکتریزه ائدیلن زلز‌له‌لرله باغلی آچیلان باش ساغلیغی ماتم دفترینی ایمضالاییب.
پاکیستانین بو چتین زاماندا تورکیه ایله هم رای اولدوغونو وورغولایان شریف اؤلکه‌سی‌نین آختاریش-قورتارما ایشلرینی داوام ائتدیرجگینی قئید ائدیب.
دونیا شهرت‌لی پورتو ریکولو موغننی ریکی مارتین قهرمان ماراش-دا باش وئرن زلز‌له‌دن سونرا تورکیه و سوریه-ده ضرر چکمیش اوشاق‌لار اوچون یاردیم چاغیریب.
اینستاگرام حسابیندا پایلاشدیغی ویدئودا مارتین "بیلدیگینیز کیمی بحران‌لی واخت‌لاردا ساکیت قالا بیلمیرم. زلز‌له‌دن سونرا تورکیه و سوریه-ده گؤردوگوموز منظره‌لر اورییمی پارچالاییر" دئییب.
بمت-نین اوشاق فوندونون (یونیسف) ده خوش مراملی سفیری اولدوغونو خاطیرلا‌دان مارتین "حاضیردا اورادا وضعیت چوخ چتین‌دیر. آرتیق گؤرونتولری ایزلییرسینیز. اونا گؤره ده کؤمک ائتمه‌لییک" دئییب و یونیسف-ین باغیش کامپانیاسی‌نین لینکینی پایلاشیب.
کلمبیا زلز‌له‌لر نتیجه‌سینده فلاکت‌دن ضرر چکن‌لره دستک اولماق اوچون تورکیه-یه 20 متخصص‌دن عبارت بیر قروپ گؤندریب.
قازاخیستان-دا آچیلان زلز‌له یاردیم حسابیندا ایندییه قدر توپ‌لانان 2 میلیون 849 مین 836 دو‌لار آفاد-ین (تورکیه ایچ ایشلر ناظیرلیگی‌نین طبیعی فلاکت و فوق العاده حال‌لار آژانسی) رسمی حسابینا کؤچورولوب.
قیرغیزیستان اوچونجو آختاریش-قورتارما قروپونو تورکیه-یه گؤندریر. اوچاق فوق العاده حال‌لار ناظیری بووبئک آجیکئیئوین رهبرلیک ائتدیگی قروپ دان علاوه صحرا خسته‌خاناسی، عاجیل یاردیم ماشینی و 52 کئچه چادیر وار.
بوسنیا و هرزگوینا و صربیستان زلز‌له‌لرده ضرر گؤرن‌لر اوچون ان ضروری ماتئریال‌لار اولان قیزدیریجی‌لار و ژنراتورلار ایله دولو یوک ماشین‌لاری گؤندریب.
مونته نگرو-دا زلز‌له‌دن ضرر چکن‌لر اوچون توپ‌لانان یاردیمین 200 مین یورویا یاخین اولدوغونو بیلدیریلیب.
گونئی افریقالیلار تورکیه-ده زلز‌له‌دن ضرر چکن‌لره یاردیم ائتمک اوچون سفربر اولوب‌لار. زلز‌له بؤلگه‌سی اوچون باغیش‌لانان چوخ‌لو سایدا چادیر، قیزدیریجی، یوخو کیسه‌سی، پتو، ژنراتور، ساغلام‌لیق لوازیمات‌لاری و قیش گئییم‌لری تورک هاوا یول‌لاری طرفیندن منتظم اولا‌راق تورکیه-یه داشینیر.
