زلزلهدن گونلر سونرا اومود وئریجی خبرلر گلیر
زلزله بؤلگه‌سینده یۆزلرجه قورتارما اکیبی و مینلرجه کؤنوللو ییخینتیلار آلتیندان سئویندیریجی خبر وئره‌بیلمک اوچون چالیشیر
تورکیه‌نی دریندن سارسان ۶ فوریه‌ده‌کی قهرمان ماراش مرکزلی زلزله‌لرده یۆزلرجه قورتارما اکیبی و مینلرجه کؤنوللو ییخینتیلار آلتیندان سئویندیریجی خبر وئره‌بیلمک اوچون چالیشیر.
ساعاتلار گئچسه ده، ییخینتیلاردان اومود وئریجی معجزه خبرلر گلیر.
حاتایین آنتاکیا ائلچه‌سینده، زلزلهدن ۱۰۱ ساعات سونرا ۳۰ یاشینداکی حیکمت ایگیدباش ساغ چیخاریلیرکن، یئنه ۱۰۱ ساعات سونرا دیارباکیردا دا آنا و اوغلو ییخینتیلار آلتیندان یارالی اولاراق قورتاریلدی.
قهرمان ماراش‌دا، ۹۹ ساعات سونرا بیر نفر، حاتای‌دا ۹۸ ساعات سونرا بیر نفر، ۹۶ ساعات سونرا دا ۱،۵ یاشینداکی کؤرپه سئلا ایله ۴ عائله عضوو ییخینتی آلتیندان ساغ چیخاریلدی. حاتای‌دا ۱۰ گونلوک کؤرپه و آناسی دا زلزلهدن ۹۰ ساعات سونرا ییخینتیلار آلتیندان قورتاریلدی.
غازی آنتپ‌ده ییخینتی آلتیندا قالان ۱۷ یاشینداکی عدنان قورقود، ۹۴ ساعات سونرا ساغ چیخاریلدی.
