زلزلهده یاشامینی ایتیرنلرین ساییسی ۱۹ مینه یاخینلاشدی
اوچان بینالارین ییخینتیلاری آلتیندا قالان وطنداشلارین قورتاریلماسی ایشلری آرالیقسیز داوام ائدیر
۶ فوریهده باش وئرهن مرکزی قهرامان ماراش اولان و ۱۰ بؤلگهنی ائتکیلهین زلزلهلرده جان ایتکیسی ۱۸ مین ۹۹۱ نفره یوکسلدی.
زلزلهنین ووردوغو بؤلگهلرده اینجهلهمهلره داوام ائدن جمهورباشقانی رجب طیب اردوغان، آدی یاماندا وئردیگی آچیقلامادا، زلزلهلرده حیاتینی ایتیرهنلرین سایینین ۱۸ مین ۹۹۱، یارالی ساییسینین ایسه ۷۵ مین ۵۲۳ نفره یوکسلدیگینی بیلدیردی.
اردوغان، زلزلهلردن سونرا ۷۶ میندن چوخ اینسانین باشقا بؤلگهلره گؤندریلدیگینی ایفاده ائتدی.
اوچان بینالارین ییخینتیلاری آلتیندا قالان وطنداشلارین قورتاریلماسی ایشلری ده آرالیقسیز داوام ائدیر.
بؤلگهده ۶ مین ۸۱۰ نفری باشقا اؤلکهلردن اولماق اۆزره ۳۰ مین۳۰۶ آختارما قورتارما پرسنلی چالیشیر.
یئرلی دستک اکیپلریندن وظیفه وئریلن ساحه پرسنلی ساییسی ایله بؤلگهده چالیشان پرسنلین ساییسی ۱۲۱ مین ۱۲۸ نفره چاتدی.
زلزلهدن آغیر شکیلده ائتکیلنن ۱۰ شهره، آفاد، عائله و سوسیال خیدمتلر باخانلیغی و قیزیل آی طرفیندن ۱۳۷ مین ۹۷۳ چادیر و ۱ میلیون ۵۰۷ مین ۴۹۴ پتو داشیندی، ۹۷ مین ۹۷۳ عائله یاشام چادیرینین قورولومو تاماملاندی.
کیلیس و شانلی اورفادا آختارما قورتارما چالیشمالارینین تاماملاندیغی، دیارباکیر، آدانا و عثمانیهده ده بؤیوک اؤلچوده تاماملاندیغی بیلدیریلیمیشدی.