جمهور باشقانی اردوغان زلز‌له بؤلگه‌سینده‌دیر
حاتای شهرینده تدقیقات‌لار آپاران جمهور باشقانی اردوغان آختاریش-قورتارما ایشلریله باغلی مسئول ناظیرلردن بریفینگ آلدیقدان سونرا مطبوعاتا آچیقلاما وئریب.
جمهور باشقانی رجب طیب اردوغان فوریه‌نین 6-دا مرکزی قهرمان ماراش اولان زلز‌له‌دن ضرر چکمیش بؤلگه‌لرده یوخلاما‌لار آپاریب.
حاتای شهرینده تدقیقات‌لار آپاران جمهور باشقانی اردوغان آختاریش-قورتارما ایشلریله باغلی مسئول ناظیرلردن بریفینگ آلدیقدان سونرا مطبوعاتا آچیقلاما وئریب.
دؤولت باشچی‌سی "تاریخیمیزین ان بؤیوک زلز‌له فلاکت‌لریندن بیرینی یاشادیق. تأسف کی، 10 ویلایتده بیر-بیری‌نین آردینجا ایکی بویوک زلز‌له ایله اوزلشدیک" دئییب.
جمهور باشقانی اردوغان قئید ائدیب کی، حاتای بو فلاکت‌دن ان چوخ ضرر چکن، ان چوخ داغینتی و اینسان تلفاتی یاشایان شهرلردن بیری‌دیر.
دؤولتین و میللتین بوتون ایمکان‌لارینی سفربر ائده‌رک، طبیعی فلاکت بؤلگه‌سینه یؤنلتدیک‌لرینی دئین جمهور باشقانی اردوغان بیلدیریب کی، دؤولت ایشچی‌لرین‌دن توتموش غیری-حکومت تشکیلات‌لاری‌نین عضو‌لرینه، خاریج‌دن گلن فلاکت قروپلاریندان کؤنوللولره قدر 60 مین اینسان چالیشیر.
زلز‌له‌دن سونرا 60-دان چوخ اؤلکه‌دن دستک و یاردیم گلدیگینی و بون‌لارین هامیسی‌نین آدینی داها سونرا آچیقلایاجاغینی بیلدیرن اردوغان آذربایجان، ایسراییل، سودی عربیستانی، قطر و کویت-ین دستک وئردیک‌لرینی و بوندان سونرا دا داوام ائده‌جک‌لرینی دیله گتیردیک‌لرینی، مادی و معنوی دستک‌لرین ده وئریلدیگینی وورغولاییب.
جمهور باشقانی اردوغان داها سونرا حاتای-ین ایسکندرون بولگه سینده و آدانادا یوخلاما‌لار آپاریب.
دؤولت باشچی‌سی حاتای-دان اوول قهرمان ماراش-دا اولوب و اورا‌داکی وضعیتله باغلی معلومات آلیب.
