اردوغان: ۳ آیلیق اولاغان اۆستو حال اعلان ائتدیک
«سادهجه جمهوریت تاریخیمیزده دئییل، جغرافیامیزدا و دونیادا ان بؤیوک فلاکتلردن بیری ایله قارشی قارشییاییق»
جمهورباشقانی رجب طیب اردوغان، قهرمان ماراشدا زلزلهدن ضرر گؤرموش ۱۰ بؤلگهده ۳ آیلیق اولاغان اۆستو حال (اوحال) اعلان ائدیلدیگینی بیلدیردی.
جمهورباشقانی اردوغان، باشکند آنکاراداکی دؤولت بیلگی کووردیناسیون مرکزینده قهرمان ماراشدا باش وئرهن زلزلهلرله باغلی آچیقلامالار وئردی.
«سادهجه جمهوریت تاریخیمیزده دئییل، جغرافیامیزدا و دونیادا ان بؤیوک فلاکتلردن بیری ایله قارشی قارشییاییق» دئین اردوغان،
«۳۵۴۹ وفاتیمیز، ۲۲ ۱۶۸ یارالیمیز وار. ان بؤیوک تسللیمیز ایندیه دک ۸ میندن چوخ وطنداشیمیز ییخینتیلار آلتیندان ساغ اولاراق قورتاریلمیش اولماسیدیر» آچیقلاماسینی وئردی.
اردوغان،
«آنایاسانین ۱۱۹-جو مادهسینین بیزه وئردیگی صلاحیته دایاناراق، فؤوقالعاده وضعیت اعلان ائتمه قرارینا گلدیک. زلزلهنین باش وئردیگی ۱۰ ائلیمیزی، عمومی حیاتا ائتکیلی فاجعه بؤلگهسی اعلان ائدیریک» ایفادهسینی ایشلتدی.
جمهورباشقانی اردوغان بؤلگهیه ایندیه دک ۵۴ مین چادیر، ۱۰۲ مین یاتاق و دیگر احتیاجلارین گؤندریلدیکینی ایفاده ائدرک:
«حاضردا ۵۳ ۳۱۷ آختارما قورتارما پرسنلیمیزله دستک پرسنلی ییخیم بؤلگهسینده چالیشیر. یورد ایچی و دیشیندان اکیپلرله سایی هر گئچن ساعات آرتیر» دئدی.
اردوغان،
"ژاندارمامیز، مینلرجه متخصص پرسنلینین یانی سیرا ۲۶ یوک اوچاغی ایله، ساحل گوونلیک قوموتانلیغیمیز گمی و قاییقلار ایله فلاکت بؤلگهسینده وظیفه باشیندادیر. بؤلگهیه ۱۰۰۰ دولاییندا آمبولانس، ۲۴۱ اولوسال مدیکال فورتارما تیمی و ۲ آمبولانس اوچاقدا گؤرهولی ۵ مین ساغلیق پرسنلی گرندریلمیشدیر» دئدی.
جمهورباشقانی، ایندیه دک ۷۰ مآیری اؤلکه و ۱۴ اولوسلارآراسی قورولوشدان یاردیم تکلیفی آلدیقلارینی دا ایفاده ائدرک:
«بیزه تلفن ائدن ۱۸ دؤولت و حکومت باشقانی ایله دانیشدیق. اؤلکهمیزین بو چتین گونونده یاردیم دستگینی و تکلیفینی چاتدیرماق اوچون زنگ ائدن، مئساژ گؤندرهن، آچیقلاما وئرهن بۆتون دوستلاریمیزا، بوتون دؤولت و حکومت باشقانلارینا تشکر ائدیرم» دئدی.
ایلگیلیلی خبرلر
"ترت ایسپانیولجا" یایین حیاتینا باشلاییر
ترت، اولوسلارآراسی دیجیتال خبر پلتفورملارینا بیر یئنیسینی داها علاوه ائدیر