تورکیهده باش وئرن زلرله اوچون آذربایجان و آمریکادان دستک
جمهورباشقانی ایلهام علییئوین، تورکیهده باش وئرن گوجلو زلزلهنین ائتکیلرینین آرادان قالدیریلماسی و آختارما قورتارما ایشلرینه دستک مقصدیله تورکیهیه کؤمک ائدیلمهسی تاپشیریغی وئردیگی بیلدیریلدی
آذربایجان فؤوقالعاده حاللار باخانلیغی، مرکزی قهرمان ماراشین پازارجیق ائلچهسی اولان و ۱۰ آیری ائلی ائتکیلهین ۷،۷ بؤلوکلوکوندهکی زلزله ندنی ایله تورکیهیه ۳۷۰ نفرلیک آختارما قورتارما قروپونون گؤندریلهجگینی آچیقلادی.
باخانلیقدان وئریلهن آچیقلامادا، جمهورباشقانی ایلهام علییئوین، تورکیهده باش وئرن گوجلو زلزلهنین ائتکیلرینین آرادان قالدیریلماسی و آختارما قورتارما ایشلرینه دستک مقصدیله تورکیهیه کؤمک ائدیلمهسی تاپشیریغی وئردیگی بیلدیریلدی.
آچیقلامادا، تاپشیریغا اساساً ایلک اولاراق ۳۷۰ نفردن اولوشان آختارما قورتارما قروپونون تورکیهیه حرکت ائدجگی ایفاده ائدیلدی.
اؤته یاندان، آمریکا بیرلشمیش دؤولتلرینین اولوسال گۆونلیک موشاویری جیک سالیوان، تورکیهده باش وئرهن زلزله ایله باغلی، آمریکانین لازیم اولان هر جۆر یاردیمی گؤسترمهیه حاضر اولدوغونو بیلدیردی.
سالیوان، قهرمان ماراشین پازارجیق ائلچهسینده باش وئرهن و اطراف ائللرده ده حس ائدیلهن ۷،۷ بؤیوکلوگوندهکی زلزله ایله باغلی یازیلی آچیقلاما یاییملادی.
آمریکانین تورکیه و سوریهده باش وئرهن ییخیجی زلزلهدن دولایی درین قایغی دویدوقلارینی بیلدیرهن سالیوان بئله دئدی:
"لازیم اولان هر جۆر یاردیمی گؤسترمهیه حاضیریق. باشقان (جو) بایدن، آمریکا بیرلیشمیش دؤولتلرینین اولوسلارآراسی قالخینما آژانسی و دیگر فدرال حکومت اورتاقلارینا، زلزلهدن ان چوخ ضرر چکهنلره کؤمک ائتمک اوچون آمریکانین یاردیم سئچهنکلرینی دگرلندیرمهلری اوچون تاپشیریق وئردی. تورکیه حکومتی ایله بیرگه وضعیتی یاخیندان ایزلهمهیه داوام ائدجییک".