قهرمان ماراش زلزله‌سینده جان ایتکیسی آرتدی
داها اؤنجه ۷،۴ اولاراق بیلدیریله‌ن زلز‌له‌نین بؤیوکلوگونون ۷،۷ اولاراق دییشدیریلدیگی بیلدیریلدی
قهرمان ماراشین پازارجیق ائلچه‌سینده باش وئره‌ن ۷،۷ بؤیوکلوگونده‌کی زلزله نتیجه‌سینده ۱۰۱۴ نفر حیاتینی ایتیردی.
آفت و عاجیل دوروم یؤنه‌تیمی باشقانلیغی (آفاد) باشقانی یونوس سئزر، جان ایتکیسینین ۱۰۱۴ نفره، یارالی ساییسینین ایسه ۷۰۰۳ نفره یوکسلدیگینی آچیقلادی.
بو آرادا آفاددان وئریله‌ن آچیقلامادا داها اؤنجه ۷،۴ اولاراق بیلدیریله‌ن زلز‌له‌نین بؤیوکلوگونون ۷،۷ اولاراق دییشدیریلدیگی بیلدیریلدی.
۲۸۲۴ بینانین ییخیلماسینا سبب اولان زلزله، ۱۰دان چوخ شهرده حس اولوندو.
طبیعی بلا سونراسی اولوسلارآرسی یاردیم دا داخیل اولماقلا ۴-جو سویه حاضیرلیق وضعیتینه گئچدی.
اوچان بینالارین اولدوغو بؤلگه‌لرده آختارما قورتارما ایشلری باشلادیلدی.
اکیپلرین ساحه‌ده چالیشمالاری داوام ائدیر.
آفادین سایتیندا یئر آلان بیلگیده،
«قهرمان ماراش‌داکی دئپرم تورکیه واختی ایله ساعات ۰۴:۱۷ده، ۷ کیلومتر درینلیک‌ده باش وئرمیشدیر» دئییلمیشدی.
