اردوغان‌دان سوئد و فنلاند مئساژی

جمهورباشقانی رجب طیب اردوغان، سوئد و فنلاندین ناتویا عضولویو ایله باغلی،

"فنلاند حاقیندا فرقلی مئساژ وئردیگیمیز زامان سوئد شوک اولاجاق" دئدی.

جمهورباشقانی اردوغان بیلجیک‌ده گنجلرله بیر آرایا گلدی.

سوئد و فنلاندین ناتویا عضولوک پروسه‌لرینی دگرلندیرن اردوغان بئله دئدی:

«(سوئده) دئدیک کی: ناتویا گیره‌بیلمه‌نیز اوچون بو تروریستلری بیزه قایتاراجاقسینیز. اگر بو تروریسلری بیزه قایتارماسانیز، ۱۲۰ نفرلیک بیر لیست وئرمدیک، اولماز. طبیعی کی بونلار او گون بیزیمله، اؤزلر زعملرینجه، 'یوخ آنایاسا دییشیکلیگی ائتدیک، یوخ بونو ائتدیک، یوخ اونو ائتدیک'. اؤز زعملرینه گؤره اله سالیرلار. /•••/. بیز لازیم گلرسه فنلاند حاقین‌دا فرق‌لی بیر مئساژ وئره‌بیلریک. فنلاند حاقین‌دا فرق‌لی مئساژ وئردیک‌ده سوئد شوک اولاجاق اما فنلاند دا عینی یانلیشا یول وئرمه‌مه‌لی‌دیر».

روسیا-تورکیه ایلیشکیلرینه ده توخونان اردوغان سؤزلرینی بئله داوام ائتدیردی:

"روسییا ایله مبیزیم ایلیشکیلریمیزده قارشیلیقلی بیر اعتبار وار، سایغی وار. سایین (ولادیمیر) پوتینله ایلیشکیلریم دوغرولوق اۆزرینه‌دیر. /•••/. حاضردا سوریه‌نین قوزئیینده‌کی گلیشمه‌لرده طبیعی کی ایستدییمیز نتیجه‌نی آلابیلمه‌سک ده بیز دئییریک کی، گلین ایندی اوچلو بعضی توپلانتیلار ائدک. بونلار ندیر؟ اوچلو اولاراق روسیا،تورکیه،سوریه بیر آرایا گله‌ک.حتی ایرانی دا بونا قاتابیلریک. ایران دا گلسین. دانیشیقلاریمیزی بئله آپاراق و بؤلگه‌یه دینجلیک گلسین. بؤلگه ایندیکی چتینلیکلری یاشاماسین و بورادا دا بیز نتیجه آلدیق، آلیریق و آلاجاغیق".