میللی گۆونلیک قورولوندان سونرا بیلدیری یاییملاندی
«تۆرکیه‌نین میللی گۆونلیگینی و منفعتلرینی هدف آلان هر هانسی بیر اولموش بیتمیش عمله هئچ بیر شکیلده ایجازه وئریلمه‌یه‌جگی بیر کز داها قوتله وورغولانمیشدیر»
میللی گۆونلیک قورولو، تۆرکیه‌نین میللی گۆونلیک و منفعتلرینی هدف آلان هر هانسی بیر اولموش بیتمیش عمله یول وئریلمه‌یه‌جگینی قوتله وورغولادی.
میللی گۆونلیک قورولو، جمهورباشقانی رجب طیب اردوغانین باشقانلیغیندا توپلاندی.
توپلانتیدان سونرا یاییملانان بیلدیرده،
«یونانیستانین داوام ائتدیردیگی تخریباتچی ائیلم و سؤیلملری ایله سلاحلانما جهدلرینین، بؤلگه‌میزده‌کی گرگینلیگی آرتیرماقدان باشقا هئچ بیر فایدا وئرمه‌یه‌جگی بیلدیریلمیش، تۆرکیه‌نین میللی گۆونلیگینی و منفعتلرینی هدف آلان هر هانسی بیر اولموش بیتمیش عمله هئچ بیر شکیلده ایجازه وئریلمه‌یه‌جگی بیر کز داها قوتله وورغولانمیشدیر» ایفاده‌لرینه یئر وئریلدی.
تۆرکیه‌نین ناتونون آچیق قاپی سیاستینی دستکله‌دیگی بیلدیریله‌ن بیلدیریده آشاغیداکیلار قید ائدیلدی:
«بونا قارشیلیق ناتو اتفاقینا قاتیلماق ایسته‌یه‌ن دؤولتلرین ده متفیقلیک حقوقونا و روحونا اویغون حرکت ائتمه‌لی اولدوقلاری وورغولانمیش، پ‌کاکا/کاج‌کا-پ‌ی‌د/ی‌پ‌گ و فئتؤ باشدا اولماقلا ترور هؤرگوتلری ایله موباریزه قونوسونداکی آنلاشما مموراندومون‌دان ایر‌لی گلن تعهدلارینی ملموس آددیملارلا تئزلیکله یئرینه یئتیرمه‌لرینین ضروری اولدوغو ایفاده ائدیلمیشدیر.
ایسلام قارشیدی عیرقچیلیغین بیر تظاهرو اولان و میلیاردلارجا اینسانین قوتسال دگرلرینی هدف آلان منفور سالدیریلار شدتله قینانمیش؛ دین، ویجدان و دۆشونجه حریتی کیمی دگرلری تمللریندن سارسان، دموکراسی و سؤز اؤزگورلوگو ایله ایضاحی مومکون اولمایان حرکتلری تشویق و حمایه ائد‌نلرین، اینسان حاقلارینی یوخ سایان بو نیفرت سوچونا اورتاق اولدوقلاری خاطیرلادیلمیشدیر».
